واشنگٹن: امریکی وزارت خارجہ کی جانب سے دیا جانے والا ینگ لیڈر ایمرجنگ ایوارڈ 2018 پاکستان کی 18 سالہ طالبہ نے اپنے نام کرلیا۔
تفصیلات کے مطابق امریکی محکمہ خارجہ کی جانب سے ایمرجنگ ایوارڈ دنیا بھر سے صرف دس نوجوانوں کو دیا گیا ہے، پاکستان سے دانیہ حسن نے ایمرجنگ ینگ لیڈر ایوارڈ اپنے نام کرلیا۔
امریکی وزارات خارجہ کی جانب سے مذکورہ ایوارڈ شعبہ تعلیم میں پیدا ہونے والی سماجی تبدیلیوں کے حوالے سے بہترین خدمات انجام دینے پر دیا گیا ہے۔
Great to meet one of our Emerging Young Leaders, Dania Hassan, and celebrate women's empowerment with the U.S.-Pakistan Women's Council (@USPWC) tonight! Here's more info about Dania and our other 2018 #EYLeaders: https://t.co/5LFMMYu88a pic.twitter.com/Y7CLscl7c5
— Marie Royce (@ECA_AS) May 2, 2018
امریکا میں ینگ ایمرجنگ لیڈر ایوارڈ کی تقریب کے دوران پاکستانی سفیر اعزاز چوہدری نے شرکت کی، اس موقع پر پاک امریکا بزنس کونسل کے ممبران و دیگر افراد بھی شریک تھے۔
پاکستان کی 18 سالہ دانیہ حسن کے علاوہ ینگ ایمرجنگ ایوارڈ جیتنے والے دیگر فاتحین کا تعلق عراق، انڈونیشیا، ترکی، بنگلہ دیش، لتھوینیا، ناروے، جنوبی افریقہ، پاناما اور تاجکستان سے ہے۔
Thank you, Dania, for the thoughtful card! Wonderful to meet you, and glad that other Americans will have this experience with #EYLeaders, as part of the Emerging Young Leaders exchange! #USPak #ExchangeOurWorld #PUAN pic.twitter.com/PAgMpIHvVG
— Marie Royce (@ECA_AS) May 2, 2018
تمام فاتحین کو ایوارڈ دینے کی تقریب گذشتہ روز واشنگٹن میں منعقد ہوگی۔ یہ تمام طلبا وزارت خارجہ ہی کی جانب سے شروع کیے گئے ایک تربیتی پروگرام کے لیے پہلے سے امریکا میں موجود تھے۔
پروگرام کے تحت ان طلبا کو مختلف امریکی شہروں کا دورہ کروایا گیا اور ان کی قابلیت اور صلاحیتوں میں اضافے کے لیے مختلف سیشنز کا بھی انعقاد کیا جائے گا۔
واضح رہے کہ پاکستان کی 18 سالہ طالبہ دانیہ حسن 2 سال قبل امریکا کے تعلیمی ادارے جون ہاپکنس سے وظیفہ حاصل کرچکی ہیں جہاں سے واپسی کے بعد ’فن ٹو لرن‘ نامی ادارے کا آغاز کیا تھا۔
مذکورہ ادارہ پسماندہ علاقوں میں قائم اسکولوں میں غیر نصابی سرگرمیوں کا انعقاد کرتا ہے اور مختلف پروگرامز کے ذریعے بچوں کو مختلف تربیتیں فراہم کرتا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔