پاکستانی شہری نے دبئی میں‌ 10 لاکھ امریکی ڈالر کی رقم جیت لی Dubai Duty Free
The news is by your side.

Advertisement

پاکستانی شہری نے دبئی میں‌ 10 لاکھ امریکی ڈالر کی رقم جیت لی

ابوظہبی : دبئی انٹرنیشنل ایئرپورٹ پر لاٹری کا آن لائن ٹکٹ خریدنے والے 48 سالہ پاکستانی شہری نے دس لاکھ امریکی ڈالر (12 کروڑ سے زائد پاکستانی روپے) انعام میں جیت لیے۔

تفصیلات کے مطابق روزگار کے لیے بیرون ملک مقیم پاکستان کی کاروباری شخصیت نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئی لاٹری سے دس لاکھ امریکی ڈالر کی انعامی رقم جیت کر اپنے نام کرلی۔

مقامی خبر رساں ادارے کا کہنا تھا کہ پاکستانی شخص نے ملینیم لکلی ڈرا کے ذریعے پاکستانی 12 کروڑ روپے سے زائد کی خطیر رقم انعام میں جیتی ہے۔

اماراتی میڈیا کے مطابق دبئی میں لاٹری جیتنے والا تاجر عمران اسحاق لاہور کے رہائشی ہیں جنہوں نے پہلی مرتبہ اپنی قسمت آزمانے کے لیے دبئی کے مشہور لکی ڈرا کا ٹکٹ خریدا تھا تاہم ایک ہی دفاع میں قسمت کی دیوی نے ان پر نظر کرم کرلی۔

غیر ملکی خبر رساں ادارے کا کہنا تھا کہ 48 سالہ پاکستانی شہری کا کہنا ہے کہ میں انعامی رقم سے مزید پراپرٹی خریدوں گا اور مسقط میں گاڑیوں کے کاروبار میں سرمایہ کاری کروں گا۔

اماراتی میڈیا کا کہنا ہے کہ عمران اسحاق نے منگل کے روز ٹکٹ نمبر 2021 سے لاکھوں امریکی ڈالر جیتے تھے۔

خیال رہے کہ 25 ستمبر کو بھی میلینم لکی ڈرا کا آن لائن ٹکٹ خریدنے والی پاکستانی تاجر نعمان عارف نے بھی دس لاکھ امریکی ڈالر کی رقم جیتی تھی۔

Comments

comments

یہ بھی پڑھیں