امریکی تحقیقی ادارے نے پاکستانی محققین کو بہترین قراردے دیا
The news is by your side.

Advertisement

امریکی تحقیقی ادارے نے پاکستانی محققین کو بہترین قراردے دیا

ملائشیا : امریکی تحقیقی ادارے نے پاکستان محققین کو بہترین قرار دے دیا، پاکستانی ریسرچز نے اچھی طرز حکمرانی میں عدلیہ کے کردار پر مقالہ پیش کیا تھا۔

تفصیلات کے مطابق امریکی ریسرچ ادارے انسٹیٹیوٹ آف انجینئرز اینڈ ڈاکٹرز کی جانب سے ملائشیا میں ساتویں انٹرنیشنل کانفرنس منعقد کی گئی، پوری دنیا سے ایک سو اکہتر تحقیقی پیپرز میں سے انچاس ریسرچ پیپرز منتخب کئے گئے۔

سترہ ممالک سے تعلق رکھنے والے چوالیس تحقیق دانوں نے مقالے پیش کئے، جس میں امریکہ، آسٹریلیا، جاپان، کوریا، ملائشیا، انڈیا اور پاکستان سمیت کئی ممالک شامل تھے۔

پاکستانی تحقیق دان مصطفی حیدر کے ریسرچ پیپر ’اچھی طرز حکمرانی میں عدلیہ کا کردار‘ کو بہترین ریسرچ ایوارڈ دیا گیا۔

مقالے میں ماڈل آف گڈ گورننس کی چار ترجہات بتائی گئی ہیں، جس میں سسٹم اسٹیبیلیٹی، ایڈمنسٹریٹو ڈیویلپمنٹم ایڈمنسٹریٹو اسکلز اور عدلیہ کے فیصلے شامل ہیں۔

سری لنکا اور انڈونیشیا سمیت کئی ممالک نے پاکستانی مقالے کو اپنے ملک میں نافذ کرنے کی خواہش بھی ظاہر کی۔

مصطفی حیدر نے ایوارڈ ملنے کو پاکستان اور جامعہ کراچی کے لئے اعزاز قرار دیا ہے۔

پاکستانی تحقیقی مقالہ امریکی کی مایا ناز ڈیجیٹل لائیبریری میں رکھنے سمیت دنیا کی ریسرچ حوالوں میں بھی استعمال کیا جائے گا۔

Comments

comments

یہ بھی پڑھیں