The news is by your side.

Advertisement

غلطی سے سرحدپار کرجانے والی ذہنی طورپر معذورخاتون بھارت میں چل بسی

لاہور : غلطی سے سرحدپار کرجانے والی ذہنی طور پر معذورخاتون گلشن بی بی چل بسی، بھارت کی جانب سے گلشن بی بی کی لاش آج پاکستانی حکام کے حوالے کی جائےگی۔

تفصیلات کے مطابق نارووال میں غلطی سے سرحد پار کر جانے والی ذہنی معذور خاتون گلشن بی بی بھارت میں چل بسی، سرحد پارکرنے پر بھارتی فورسز نے گولی مار کر گلشن بی بی کو زخمی کر دیا تھا۔

گلشن بی بی بھارت کے اسپتال میں آج زخموں کی تاب نہ لاتے ہوئےدم توڑ گئیں ، بھارتی حکام کی جانب سے لاش آج پاکستانی حکام کے حوالے کی جائےگی۔

گلشن کی ماں نے بتایا ہے چوبیس سال کی گلشن بی بی دو دن پہلےغلطی سے سرحد پار چلی گئی تھی، اس کا ذہنی توازن درست نہیں تھا۔

یاد رہے 20 فروری کو شکرگڑھ کے محلہ تاج پورہ کی رہائشی ذہنی معذور گلشن بی بیکرتار پورکے قریبی علاقہ بسنتر سے سرحد پار کر کے بھارتی علاقہ گورداسپور چلی گئی تھی ، جہاں انھیں بھارتی فوج  نے ٹانگ میں گولی مار کر پکڑ لیاتھا۔

  بھارتی شرپسندی، ایل او سی سےملحقہ علاقوں کے شہریوں کیلئےہدایات


خیال رہے دو روز قبل  بھارتی شرپسندی کے پیش نظر ایل او سی سے ملحقہ علاقوں کے شہریوں کیلئے ہدایات جاری کی تھی ،  ہدایات آزاد کشمیر حکومت نے 6 اضلاع کی ضلعی انتظامیہ کو دیں۔

حکومت آزادکشمیر کا ہدایت نامے میں کہنا تھا کہ شہری صرف محفوظ مقامات سےگزرنے والے راستے اختیار کریں اور کسی بھی جگہ ہجوم بننے اور غیر محفوظ راستے سے اجتناب کیاجائے۔

آزاد کشمیرحکومت نے ایل اوسی کی قریبی آبادیوں میں بنکرز تعمیر کرنے کی ہدایت کی اور کہا  رات کوغیر ضروری طور پر روشنی سے بھی گریز کیا جائے، ایل او سی کے قریب چراگاہوں میں مویشیوں کو لے جانے سےگریز کیا جائے۔

واضح رہے کہ پاکستان اور بھارت کی افواج کے درمیان کنٹرول پر کشیدگی برقرار ہے ، اشتعال انگیزی کے نتیجے میں متعدد افراد شہید اور زخمی ہوچکے ہیں جبکہ   پلوامہ حملے کے بعد دونوں ملکوں کے درمیان باہمی تعلقات بھی کشیدہ ہیں۔

کشمیر کو منقسم کرنے والی حد بندی لائن پر تعینات دونوں ملکوں کی افواج، غلطی سے سرحد عبور کرنے والوں کو اپنے ملکوں کو واپس کردیتی ہیں۔

Comments

comments

یہ بھی پڑھیں