پاکستانی خاتون ہما مبین اپنے شوہر کی ویزا درخواست مسترد ہونے پر اکیلے ہی ہنی منون منانے چلی گئی جس کی یونان کے جزیرے سے افسردہ تصاویر بھی سامنے آگئیں ۔
تفصیلات کے مطابق ہما مبین نامی خاتون کی ارسلان سویر نامی شخص سے چند ماہ قبل شادی ہوئی اور یہ جوڑا اپنی فیملی کے ہمراہ ہنی مون کے لیے یونان جانا چاہتا تھا تاہم ان کے شوہر کا ویزہ مستر ہوگیا جس پر خاتون کافی پریشان ہوگئیں اوروہ شوہر کے بغیر ہنی مون پر جانا نہیں چاہتی تھیں تاہم ساس اورسسر کے بے حد اصرار پر وہ اپنے دل پر پتھر رکھ کر اس سفر پر نکل پڑیں، ہما مبین ایک اشتہاری ایجنسی میں کریٹیو مینیجر ہیں۔
تاہم ارسلان کو تفریحی سفر کا ویزہ بروقت نہ مل سکاتو ہما نے اکیلے ہی یونان جانے کا فیصلہ کیا، اس سفر کی پہلے ہی ادائیگی ہوچکی تھی اور سسرال بھی ساتھ تھا۔
ہما کا کہنا تھا کہ یونان پہنچنے کے بعد وہ اپنی ساس کے کندھے پر سر رکھ کر کافی روئی تاہم ساس نے میری ہمت بڑھائی اورکہا کہ جو ہونا تھا ہوگیا اب خوش رہو اورگھومو پھرو۔
ہمانے اپنے دورے کے دوران پروگرام کے مطابق تصاویرلیں تاکہ یہ دکھا سکے کہ وہ اپنے شوہر کی کتنی کمی محسوس کررہی ہے۔
خاتون نے بتایا کہ وہ پہلے بھی تنہا سفر کرتی رہی لیکن اب شوہر کے ہوتے ہوئے صورتحال کچھ مختلف ہے ، ساس اور سسر نے ہرممکن کوشش کی کہ شوہر کی کمی محسوس نہ ہواور شاید اسی وجہ سے مزاحیہ سیریز بنارہی ہیں ۔
ہما کا کہنا تھا کہ ایسی تصاویر بنانا میرے شوہر اور سسرکی ہی تجویز تھی، ان کی تصویر سوشل میڈیا پر بہت وائرل ہوئی اور دیکھنے والوں کو حیرت میں ڈال گئیں۔
