اسلام آباد (12 مارچ 2026): پاکستان کی فائیو جی اسپیکٹرم نیلامی 500 ملین ڈالر کی سرمایہ کاری کے ساتھ مکمل ہو گئی ہے۔
اے آر وائی نیوز کے مطابق پاکستان کی فائیو جی اسپیکٹرم نیلامی 500 ملین ڈالر کی سرمایہ کاری کے ساتھ مکمل ہو گئی ہے۔ ایس آئی ایف سی کی موثر حکمتِ عملی سے یہ مقامی اور عالمی سرمایہ کاری میں تاریخی اضافہ ہے۔
فائیو جی اسپیکٹرم نیلامی کے کامیاب بولی دہندگان میں زونگ، یوفون اور جاز (ویون گروپ) شامل ہیں۔
اس حوالے سے مشیر خزانہ خرم شہزاد نے بتایا کہ فائیو جی کی کامیاب نیلامی پاکستان میں ٹیکنالوجی کے شعبے میں غیر ملکی سرمایہ کاری کی علامت ہے، جو غیر ملکی کمپنیوں کی سرمایہ کاری، معیشت اور اصلاحات پر اعتماد کی عکاس ہے۔
ان کا کہنا تھا کہ فائیو جی نیلامی سے ڈیجیٹل معیشت اور تیز رفتار انٹرنیٹ کو فروغ ملے گا۔ کامیاب کمپنی ’’جاز‘‘ نے آئندہ 3 سال میں مزید ایک ارب ڈالر سرمایہ کاری کا اعلان کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں