The news is by your side.

Advertisement

کشمیر کی صورتحال پر دو جوہری طاقتوں میں جنگ چھڑسکتی ہے، اسد مجید

خودمختاری کو خطرہ ہواتوپاکستان بھرپورطریقے سے ردعمل دے گا

واشنگٹن : امریکامیں پاکستانی سفیر اسد مجید خان نے دو ٹوک بتا دیا خود مختاری کو خطرہ ہوا تو پاکستان بھرپور طریقے سے ردعمل دے گا، مقبوضہ کشمیر میں صورتحال انتہائی گھمبیر ہے ، دو جوہری طاقتوں میں جنگ چھڑسکتی ہے۔

تفصیلات کے مطابق امریکامیں پاکستانی سفیر اسد مجید خان نے امریکی اخبار وال اسٹریٹ جنرل کو انٹرویو میں کہا وزیراعظم اقوام متحدہ میں کشمیر کا مقدمہ بھرپور انداز میں لڑیں گے اور عالمی برادری پر زور دیں گے وہ بھارتی جارحیت کا نوٹس لے۔

،اسد مجید کا کہنا تھا کہ خودمختاری کو خطرہ ہواتوپاکستان بھرپورطریقے سے ردعمل دے گا، مقبوضہ کشمیر میں صورتحال انتہائی گھمبیر ہے، کشمیر کی صورتحال پر دو جوہری طاقتوں میں جنگ چھڑسکتی ہے۔

پاکستانی سفیر نے مزی کہا مسئلہ کشمیر خطے کے امن اور سلامتی کیلئے سنگین خطرہ ہے۔

یاد رہے چند روز قبل پاکستانی سفیر کا کہنا تھا کہ مقبوضہ کشمیرکی صورت حال ایک سنگین انسانی المیے میں بدل رہی ہے، بھارتی رویے سے پیدا شدہ حالات امن اور سیکورٹی کے لیے بڑا خطرہ ہیں۔

مزید پڑھیں : آزاد مبصرین کو مقبوضہ وادی میں بھیجا جائے، اسد مجید خان

اسد مجید خان نے کہا تھا کہ آزاد مبصرین کو مقبوضہ وادی میں بھیجا جائے، بھارت کو حالیہ اقدام واپس لینے پر مجبور کیا جائے۔

اس سے قبل ڈاکٹراسد مجید خان کا کہنا تھا کہ مقبوضہ کشمیر کی عوام بھارتی ظلم وستم کا شکار ہے، مسئلے کے حل کے لیے عالمی قوتوں، اداروں کو کردار ادا کرنا ہوگا۔ انہوں نے کہا کہ اقوام متحدہ کو بھارت کیخلاف سخت کارروائی کرنا ہوگی۔

Comments

comments

یہ بھی پڑھیں