کراچی : ٹرانس ورلڈ کمپنی کا کہناہےکہ سی می وی فائیو کیبل کےذریعے اب پاکستان میں چالیس سے پچاس ایم بی انٹرنیٹ سروس فراہم کی جاسکےگی۔
تفصیلات کےمطابق سی می وی فائیو نےاپنی بیس ہزارکلومیٹرطویل زیر سمندر سب میرین کیبل کے مکمل ہونےکااعلان کیا ہے،جو کراچی میں ایک ٹی ڈبلیو اے لینڈنگ اسٹیشن کےذریعے پاکستان سے مربوط ہے۔
ٹرانس ورلڈ کمپنی کے مطابق اس کیبل کے کنیکٹ ہونے کےبعد انٹرنیٹ کی اب 40 سے 50 ایم بی سروس بھی فراہم کی جاسکتی ہے۔
ٹرانس ورلڈ کمپنی کےمطابق پاکستان کی انٹرنیٹ بینڈ وڈتھ7 ٹیرا بائٹس سے بڑھ کر31 ٹیرا بائٹس ہوگئی ہے،جس سے انٹرنیٹ سروس تھری جی اور فو ر جی میں بہتری آئے گی۔
خیال رہے کہ اس سے قبل پاکستان میں انٹرنیٹ بینڈ وڈتھ7 ٹیرا بائٹس تھی،جبکہ سی می وی فائیو کیبل سے اب انٹرنیٹ 31 ٹیرا بائٹس تک پہنچ چکی ہے۔
واضح رہے کہ سی می وی فائیو کیبل سسٹم سنگاپور کو یورپ میں اٹلی اورفرانس،جبکہ انڈونیشیا،میانمار،ملائیشیا،عمان سمیت تھائی لینڈ،بنگلہ دیش،سری لنکا،پاکستان،متحدہ عرب امارات،یمن اور سعودی عرب کوآپس میں جوڑتا ہے۔
