وزیراعظم عمران خان کے امریکی نیوز چینل کو دیے گئے انٹرویو میں جنسی ہراسگی سےمتعلق ویڈیو کا ایک بڑا حصہ نشر نہیں کیا گیا۔
نمائندہ اے آروائی نیوز کے مطابق وزیراعظم عمران خان کے امریکی نیوزچینل ایچ بی او کو دیے گئے انٹرویو کے بعض حصے مکمل طور پر نشر نہ کرنے کے معاملے پر متعلقہ چینل سے وضاحت طلب کرنے کا فیصلہ کیا گیا ہے۔
اس حوالے سے پاکستان نے معاملہ ایچ بی او انتظامیہ کےساتھ اٹھانےکا فیصلہ کیا ہے۔ ذرائع کا کہنا ہے کہ جنسی ہراسگی سے متعلق وزیراعظم کی ویڈیو کا ایک بڑاحصہ نشر نہیں کیا گیا۔
’وزیراعظم نے اللہ کے احکامات کی بات کی، اپنے لباس اور کلچر پر فخر ہے‘
وزیراعظم کےہندوتوا رجیم سے متعلق بیان کو بھی ایڈٹ کیا گیا جب کہ ایچ بی او کی جانب سے انٹرویو کا مزیدحصہ بھی ایڈٹ کیا گیا۔
پاکستان کے سرکاری ٹی وی کے پاس انٹرویو کا مکمل ریکارڈ موجود ہے۔ پاکستان نے انٹرویو کا مکمل حصہ نشر نہ کرنے پر چینل سے وضاحت طلب کرنے کا فیصلہ کیا ہے۔
