The news is by your side.

Advertisement

امن کے لیے پاکستان کا عزم سرحدوں سے تجاوز کرتا ہے، منیر اکرم

نیویارک: اقوام متحدہ میں پاکستان کے مستقل مندوب منیر اکرم نے کہا ہے کہ امن کے لیے پاکستان کا عزم سرحدوں سے تجاوز کرتا ہے۔

تفصیلات کے مطابق اقوام متحدہ میں پاکستانی سفیر منیر اکرم نے یوم دفاع پر اپنے پیغام میں کہا کہ دفاع وطن میں جان قربان کرنے والے کو خراج تحسین پیش کرتے ہیں،یوم دفاع جارحیت کے خلاف دفاعی خود مختاری کو تسلیم کرنے کے لیے منایا جاتا ہے۔

مینر اکرم نے کہا کہ پاکستان 1960 میں اقوام متحدہ کے امن مشن میں شامل ہوا،پاکستان 28 ممالک میں 46 امن مشنزمیں شرکت کر چکا ہے۔

پاکستانی سفیر کا کہنا تھا کہ پاکستان نے بین الاقوامی امن برقرار رکھنے کی کوششوں کی حمایت کی،پاکستان نے امن کوششوں میں 6 دہائیوں سے زیادہ عرصے سے تعاون کیا۔

انہوں نے بتایا کہ جنگ زدہ معاشروں میں امن اور تعمیر نو میں میں مدد کی گئی،عالمی امن کے لیے ہماری شراکت بلا معاوضہ رہی ہے،انسداد دہشت گردی کی عالمی کوششوں کی رہنمائی پر فخرمحسوس کرتے ہیں۔

مینر اکرم کا کہنا تھا کہ پُرامن افغانستان کے لیے ہماری کوشش کو عالمی برادری تسلیم کیا۔ انہوں نے اپنے پیغام میں‌ کہا کہ خطے میں اسٹریٹجک استحکام کو مشرقی پڑوسی نے یرغمال بنا رکھا ہے،تنازع کشمیر کے منصفانہ حل کے لیے اپنے عہد وابستگی کا اعادہ کرتے ہیں۔

ملک بھر میں یوم دفاع آج ملی جوش و جذبے سے منایا جارہا ہے

واضح رہے کہ ملک بھر میں یوم دفاع پاکستان آج ملی جوش وجذبے اور شہدائے وطن کے ساتھ محبت وعقیدت کے ساتھ منایا جا رہا ہے۔

Comments

یہ بھی پڑھیں