The news is by your side.

Advertisement

ملک بھر میں کرونا وائرس کے مریضوں کی تعداد 1571 ہوگئی

اسلام آباد: ملک بھر میں کرونا وائرس کے کیسز کی تعداد 15 سو71 ہوگئی ہے، کرونا سے 14 افراد جاں بحق جبکہ 28 صحت یاب ہوچکے ہیں۔

نیشنل کمانڈ اینڈ کنٹرول سینٹر کی جانب سے جاری کردہ اعداد و شمار کے مطابق پاکستان میں کرونا وائرس کے تصدیق شدہ مریضوں کی تعداد 1571 ہوگئی۔

کمانڈ اینڈ کنٹرول سینٹر کے مطابق سندھ میں 502، پنجاب میں 571، خیبرپختونخوا میں 192، بلوچستان میں141،گلگت بلتستان میں 116،اسلام آباد میں 43، آزاد کشمیر میں 2 مریض ہیں۔

ملک بھر میں کرونا وائرس کے باعث اموات 14 ہو چکی ہیں جبکہ 11 مریضوں کی حالت تشویش ناک ہے، کرونا وائرس کے صحت یاب مریضوں کی تعداد 28 ہے۔

نیشنل کمانڈ اینڈ کنٹرول سینٹر کے مطابق ملک میں گزشتہ 24 گھنٹے میں کروناوائرس کے 45 نئے کیسز رپورٹ ہوئے ہیں۔

دوسری جانب وزیراعظم کے معاون خصوصی برائے صحت ڈاکٹر ظفر مرزا نے کرونا وائرس پر قابو پانے کے لیے حفاظتی اقدامات پر سختی سے عمل کرنے پر زور دیتے ہوئے کہا کہ عوام سماجی فاصلے کی ہدایات پر عمل کریں۔

ڈاکٹر ظفر مرزا کا کہنا ہے کہ پاکستان میں تخمینوں سے بہت کم کیسز ہیں، عوام نے اگر احتیاطی تدابیر پر عمل نہیں کیا تو کیسز کی تعداد اچانک بڑھ سکتی ہے۔

واضح رہے کہ رواں سال 26 فروری کو پہلے کیس سے اب تک ملک میں نا صرف 1571 کیس رپورٹ ہوئے ہیں بلکہ 14 افراد اس وائرس کا شکار ہو کر انتقال کر گئے ۔

fb-share-icon0
Tweet 20

Comments

comments

یہ بھی پڑھیں