اسلام آباد : پاکستان میں پہلی بار ایک دن میں کورونا ویکسین لگوانے والوں کی تعداد ڈھائی لاکھ سے تجاوز کر گئی، کل 2لاکھ67ہزار953لوگوں کو ویکسین لگائی گئی۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کل پہلی دفعہ ایک دن میں ڈھائی لاکھ سےزائدافرادکی ویکسی نیشن کی گئی، کل2لاکھ67ہزار953لوگوں کو ویکسین لگائی گئی۔
اسد عمر نے کہا رجسٹرڈلوگوں سےدرخواست ہے جلدویکسی نیشن کیلئےسینٹرجائیں، جن کودوسری ویکسین لگنی ہے وہ ضروربروقت ویکسی نیشن کے لئے جائیں۔
کل پہلی دفعہ ایک دن میں ڈھائی لاکھ سے زائد افراد کی ویکسینیشن کی گئ. کل 267،953 لوگوں کو ویکسین لگائ گئ. تمام رجسٹرڈ لوگوں سے درخواست ہے کے جلد اپنی ویکسینیشن کے لئے ویکسین سینٹر جائیں. جن افراد کی دوسری ویکسین لگنی ہے وہ ضرور بروقت ویکسینیشن کے لئے جائیں
— Asad Umar (@Asad_Umar) May 25, 2021
یاد رہے اسد عمر کا کہنا تھا کہ ایک سال ہو گیا عالمی سطح پر کورونا کی تباہ کاریاں جاری ہیں، دنیا بھرمیں کورونا کیسز کی یومیہ تعداد 9لاکھ سے تجاوز کر گئی ہے ، 2021 میں کورونا سے یومیہ اموات 15 ہزار سے زیادہ ہیں۔
خیال رہے پاکستان میں گزشتہ 24 گھنٹوں کے دوران کرونا وائرس کے 2 ہزار سے زائد نئے کیسز رپورٹ ہوئے، کرونا وائرس سے 92مریض جاں بحق جبکہ مجموعی اموات کی تعداد 20 ہزار500کے قریب پہنچ گئی۔
