جمعرات, فروری 13, 2025
اشتہار

پاکستان کی کوششیں رنگ لے آئیں، سعودی حکومت کا بڑا اعلان

اشتہار

حیرت انگیز

ریاض: سعودی عرب میں تعینات پاکستانی سفیر بلال اکبر کی کاوشوں کا ثمر مل گیا، سعودی حکومت نے پاکستان کے طلبا کو اسکالر شپ دینے کا اعلان کردیا۔

تفصیلات کے مطابق سعودی عرب نے 600 پاکستانی طالب علموں کو اسکالرشپ دینے کا فیصلہ کیا ہے۔ ڈپلومہ، بیچلرز، ماسٹرز اور پی ایچ ڈی لیول پر مکمل اسکالرشپ دی جائے گی۔

سفارت خانہ پاکستان کا کہنا ہے کہ پاکستانی طالب علم اس سہولت سے فائدہ اٹھا سکتے ہیں، طلبا کو یونیورسٹی ویب سائٹ اور آن لائن پورٹل پر درخواست دینا ہوگی، ہریونیورسٹی کا اپنا معیار اور طریقہ کار ہوگا۔

سفارت خانہ نے بتایا کہ اسکالرشپ تقریباً تمام شعبوں کے لیے پیش کی جارہی ہے، اسکالرشپ مملکت کی 25یونیورسٹیوں کے لیے دی جائے گی۔

اس حوالے سے یہ بھی کہا گیا ہے کہ 75 فیصد پاکستان جبکہ 25فیصد مملکت میں مقیم طلبا اسکالر شپ کے اہل ہوں گے۔ دیگر تمام اصول و ضوابط کی پابندی لازمی قرار دی گئی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں