تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان کے پہلے چلڈرن ہارٹ اسپتال کا سنگ بنیاد رکھ دیا گیا

لاہور: پاکستان کے پہلے چلڈرن ہارٹ اسپتال اور ریسرچ انسٹی ٹیوٹ کا سنگ بنیاد رکھ دیا گیا۔

اے آر وائی نیوز کی رپورٹ کے مطابق پاکستان کے پہلے چلڈرن ہارٹ اسپتال اور ریسرچ انسٹی ٹیوٹ کے سنگ بنیاد کی تقریب لاہور کی نجی یونیورسٹی میں منعقد ہوئی۔

تقریب میں سابق ٹیسٹ کرکٹر مشتاق احمد، ٹیسٹ کپتان اظہر علی، عابد علی، محمد حفیظ، وہاب ریاض، محمد عباس، احمد شہزاد سمیت سیاسی و سماجی شخصیات نے بھی شرکت کی۔

تقریب سے خطاب کرتے ہوئے پی سی ایچ ایف کے بورڈ ممبر اور چیف سلیکٹر قومی کرکٹ ٹیم مصباح الحق کا کہنا تھا کہ اللہ تعالیٰ کی ذات کا شکر ادا کرتا ہوں کہ اچھے کام کا حصہ بنا، عوام سے اپیل ہے زیادہ سے زیادہ عطیہ کریں تاکہ مستحق بچوں کا مفت علاج ممکن ہوسکے۔

مزید پڑھیں: مصباح الحق کا لاہور میں 125 بستروں کا چائلڈ ہارٹ اسپتال بنانے کا اعلان

مصباح الحق کا کہنا تھا کہ شاہد آفریدی سمیت کرکٹ فیملی نے اس پراجیکٹ کو شروع کرنے میں بہت ساتھ دیا۔

دوسری جانب وزیراعظم کے معاون خصوصی برائے صحت ڈاکٹر فیصل سلطان نے کہا کہ غریب عوام کی خدمت کرنا ہماری حکومت کی اولین ترجیح ہےہمارا وژن ہے کہ بچوں کے علاج کیلئے بہترین سہولیات مہیا کریں۔

واضح رہے کہ دو سال قبل مصباح الحق نے لاہور میں 2 ارب کی لاگت سے 125 بستروں کاچائلڈ ہارٹ اسپتال بنانے کا اعلان کیا تھا، ان کا کہنا تھا کہ ملک میں دل کے امراض میں مبتلا بچوں کے لیے کوئی کام نہیں ہوا، اس جانب توجہ دینے کی اشد ضرورت ہے۔

Comments

- Advertisement -
حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں