site
stats
سائنس اور ٹیکنالوجی

پاکستان میں‌ پہلی بار کھانا پیش کرنے والا روبوٹ تیار

ملتان کے ایک ریستوران میں کھانا پیش کرنے والے روبوٹ نے سب کو حیران کردیا, یہ روبوٹ ایک طالب علم سید اسامہ عزیز نے بنایا ہے۔

اسلام آباد کی نیشنل یونیورسٹی آف سائنس اینڈ ٹیکنالوجی (نسٹ) کے طالبعلم سید اسامہ نے اپنی شاندار صلاحیتوں اور بہترین تعلیم کو کام میں لاتے ہوئے روبوٹ تخلیق کر ڈالا جو اب ملتان کے ایک ریستوران میں بیرا گری کے فرائض انجام دے رہا ہے۔

robot-3

روبوٹ کی موجودگی ریستوران میں گاہکوں کی کشش کا بڑا ذریعہ ہے۔ بڑی تعداد میں شہری یہاں آنا اور روبوٹ کے ساتھ تصاویر کھنچوانا پسند کرتے ہیں۔

روبوٹ کے خالق سید اسامہ عزیز پیشے کے لحاظ سے الیکٹریکل انجینئر ہیں۔ انہیں یہ روبوٹ بنانے کا خیال چینی روبوٹس کو دیکھ کر آیا جو ریستورانوں میں مختلف امور کی انجام دہی کے لیے بنائے گئے ہیں۔

اسامہ کو یہ روبوٹ بنانے میں 8 ماہ کا عرصہ لگا۔

robot-2

یہ روبوٹ اپنے اندر فیڈ پروگرام کے تحت ریستوران میں گاہکوں کو خوش آمدید کہتا ہے، ان کا آرڈر لکھتا ہے، اور اگر اس کی راہ میں کوئی شخص آجائے تو یہ نرمی سے اسے ’ایکسکیوز می‘ بھی کہتا ہے۔

اسامہ اب ایسا ہی ایک اور روبوٹ بنا کر اسے حیدر آباد میں پیش کرنے کا ارادہ رکھتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top