تازہ ترین

لندن کے ویسٹ منسٹر ایبے پر پاکستانی پرچم لہرا دیا گیا

لندن: برطانوی دارالحکومت لندن کے تاریخی ویسٹ منسٹر ایبے چرچ کی عمارت پر پاکستانی پرچم لہرا دیا گیا۔

تفصیلات کے مطابق ویسٹ منسٹر ایبے میں یوم پاکستان کے حوالے سے خصوصی تقریب کا انعقاد کیا گیا۔

اس سلسلے میں چرچ میں خصوصی دعائیہ تقریب منعقد کی گئی جس میں دونوں ممالک کی خوشحالی و سلامتی کی دعائیں مانگی گئیں۔

اس موقع پر چرچ کی عمارت پر پاکستانی پرچم بھی لہرایا گیا۔

لندن کے اس تاریخی چرچ میں دولت مشترکہ کے تمام ممالک کے لیے روزانہ دعا کی جاتی ہیں اور یہ روز کی دعائیہ تقریبات کا معمول ہے۔

یوم پاکستان کے موقع پر پاکستان میں بھی شاندار پریڈ منعقد کی جائے گی جس کا سلسلہ گزشتہ 2 برس سے مسلسل جاری ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -