The news is by your side.

Advertisement

پاکستان کرکٹ کے مستقبل سے متعلق حکمت عملی

لاہور: پاکستان کرکٹ بورڈ نے ایمر جنگ کھلاڑیوں کی صلاحیتوں کو نکھارنے کے لیے 3ماہ کا کیمپ لگانے کا فیصلہ کرلیا۔

تفصیلات کے مطابق پی سی بی کی جانب سے پاکستان کرکٹ کے مستقبل سے متعلق حکمت عملی تیار کرلی گئی، اب ایمرجنگ کھلاڑیوں کی صلاحیتوں کو نکھانے کے لیے کیمپ لگے گا جہاں سے جونیئر کھلاڑی مستقبل میں قومی ٹیم کا حصہ ہوسکتے ہیں۔

ذرائع کا کہنا ہے کہ انڈر19 اور قائد اعظم ٹرافی میں نمایاں کارکردگی دکھانے والے کھلاڑی اس کیمپ میں مدعو ہوں گے، قومی ایمر جنگ، جونیئر ٹیم کے کوچ اعجاز احمد کیمپ کی نگرانی کریں گے۔

کیمپ کی تجویز قومی ایمر جنگ ٹیم کے ہیڈ کوچ اعجاز احمد نے دی، کیمپ انڈر 19 ورلڈکپ کے بعد لگایا جائے گا۔ آئندہ سال جونیئر، ایمرجنگ ٹیم کے آسٹریلیا، نیوزی لینڈ اور جنوبی افریقا کے دورے متوقع ہیں۔

ایمرجنگ ایشیا کپ کا ٹائٹل جیتنا ایک بڑا اعزاز ہے: کپتان

خیال رہے کہ پاکستان نے گزشتہ ماہ بنگلادیش کو اے سی سی ایمرجنگ ایشیا کپ کے فائنل میں 77 رنز سے شکست دے کر ٹائٹل اپنے نام کیا تھا۔ سیمی فائنل میں پاکستان نے روایتی حریف بھارت کو آخری اوور میں 3 رنز سے شکست دے کر فائنل کے لیے کوالیفائی کیا تھا۔

بعد ازاں ایشین کرکٹ کونسل (اے سی سی ) ایمرجنگ ایشیا کپ کی فاتح پاکستان ٹیم کے کپتان سعود شکیل نے کہا تھا کہ یہ ٹائٹل جیتنا کسی بڑے اعزاز سے کم نہیں ہے۔

Comments

یہ بھی پڑھیں