اسلام آباد : عالمی ریٹنگز ایجنسی موڈیز نے پاکستان کا ایف اےٹی ایف کی گرے لسٹ میں برقرار رہنا پاکستانی بینکوں کیلئے منفی قرار دے دیا ہے۔
تفصیلات کے مطابق عالمی ریٹنگز ایجنسی موڈیز نے پاکستان سے متعلق رپورٹ جاری کی ہے ، جس میں کہا ہے کہ پاکستان کاایف اےٹی ایف کی گرےلسٹ میں برقراررہناپاکستانی بینکوں کیلئے منفی ہے۔
رپورٹ میں کہا گیا ایف اےٹی ایف نےمنی لانڈرنگ اورٹیررفنانسنگ کےخلاف اقدامات کیلئےپاکستان کومزیدوقت دیاہے ، پاکستان کوایکشن پلان پرجون 2020 تک عمل درآمد مکمل کرناہے۔
موڈیزکاکہنا تھا کہ پاکستان کی کارکردگی میں بہتری آئی ہے، پاکستان نےستائیس میں سےچودہ نکات پرعمل درآمدکیاہے، پاکستانی مرکزی بینک کویقین ہےکہ جون دوہزاربیس تک پاکستان گرے لسٹ سے نکل جائےگا۔
خیال رہے ایف اے ٹی ایف نے پاکستان کو جون 2020 تک گرے لسٹ میں برقرار رکھا تھا اور پاکستان پر چند امور میں مزید کام کی ضرورت پر زور دیتے ہوئے کہا پاکستان ایکشن پلان پر عملدرآمد یقینی بنارہا ہے، پاکستان سے متعلق اب فیصلہ جون میں اجلاس میں کیا جائے گا۔
واضح رہے کہ ایف اے ٹی ایف نے پاکستان کو جون 2018 میں گرے لسٹ میں شامل کیا تھا۔
