امریکا میں پاکستان کے نئے سفیراسد مجید خان نے ٹرمپ کو سفارتی اسناد پیش کردیں -
The news is by your side.

Advertisement

امریکا میں پاکستان کے نئے سفیراسد مجید خان نے ٹرمپ کو سفارتی اسناد پیش کردیں

واشنگٹن : امریکا میں پاکستان کے نئے سفیر ڈاکٹراسد مجید خان نے  امریکی صدر ڈونلڈ ٹرمپ کو سفارتی اسناد پیش کردیں۔

تفصیلات کے مطابق امریکا میں پاکستان کے نئے سفیر نے امریکی صدر کو اسناد پیش کیں، دوسری جانب بھارت اور افغانستان کے سفرا بھی اسناد پیش کریں گے۔

ڈاکٹراسد مجید خان رواں ہفتے 8 جنوری کو عہدے کا چارج سنبھالنے کے لیے واشنگٹن پہنچے تھے، وہ 14 جنوری سے امریکا میں پاکستانی سفیر کا عہدہ سنبھالیں گے۔

امریکا کے لیےنامزد پاکستانی سفیرڈاکٹراسدمجید خان واشنگٹن پہنچ گئے

امریکا میں نئے پاکستانی سفیر ڈاکٹراسد مجید خان سبکدوش سفیر علی جہانگیر صدیقی کی جگہ عہدہ سنبھالیں گے۔علی جہانگیر صدیقی نے گزشتہ ماہ 25 دسمبر کو اپنے عہدے کا چارج چھوڑا تھا۔

خیال رہے کہ گزشتہ سال اکتوبر میں وزیرخارجہ شاہ محمود قریشی نے ڈاکٹراسد مجید خان کے تقرر کا اعلان کیا تھا۔

یاد رہے کہ گزشتہ سال 29 مئی کو علی جہانگیرصدیقی نے اعزاز احمد چوہدری کی جگہ امریکا میں پاکستان کے سفیر کے طور پر اپنے عہدے کا چارج سنبھالیں گے۔

سابق وزیراعظم شاہد خاقان عباسی نے 8 مارچ 2018 کو علی جہانگیرصدیقی کو امریکا میں پاکستان کا سفیر تعینات کرنے کی منظوری دی تھی۔

Comments

comments

یہ بھی پڑھیں