ایشین ہاکی چیمپئنز ٹرافی کے فائنل سے قبل قومی ہاکی ٹیم کو دھچکا irfan senior
The news is by your side.

Advertisement

ایشین ہاکی چیمپئنز ٹرافی کے فائنل سے قبل قومی ہاکی ٹیم کو دھچکا

مسقط: ایشین ہاکی چیمپئنز ٹرافی کے فائنل میچ سے قبل قومی ہاکی ٹیم کے پینلٹی کارنر ماہر عرفان سینئر انجری کا شکار ہوگئے۔

تفصیلات کے مطابق بھارت کے خلاف ایشین ہاکی چیمپئنز ٹرافی کے فائنل میچ سے قبل قومی ہاکی ٹیم کے اہم کھلاڑی عرفان سینئر انجری کا شکار ہوگئے، انجری کے باعث عرفان سینئر فائنل میچ سے باہر ہوگئے۔

گزشتہ روز ملائیشیا کے خلاف سیمی فائنل میچ میں عرفان کے ٹخنے میں چوٹ لگی تھی۔

مزید پڑھیں: ایشین ہاکی چیمپئنز ٹرافی فائنل : پاکستان اوربھارت آج آمنے سامنے ہوں گے

سلطان قابوس اسپورٹس کمپلکس میں کھیلے گئے سیمی فائنل میں دونوں ٹیموں کے درمیان سخت مقابلہ ہوا تھا اور مقررہ وقت میں میچ 4-4 گول سے برابر رہا تھا۔

میچ کا فیصلہ پینلٹی اسٹوکس پرہوا تھا جس میں پاکستان نے ملائیشیا کو ایک کے مقابلے تین گول سے شکست دی تھی۔

دوسری جانب بھارت نے دوسرے سیمی فائنل میں جاپان کو 2-3 سے شکست دے کرفائنل میں جگہ بنائی تھی۔

روایتی حریف پاک بھارت کا فائنل ٹاکرا آج ہونا ہے، بھارت نے گرین شرٹس کو گروپ میچ میں شکست دی تھی جبکہ قومی ٹیم ایونٹ میں صرف ایک بھارت سے ہی ہاری ہے جاپان سے کھیلے جانے کا میچ برابر ہوگیا تھا۔

Comments

comments

یہ بھی پڑھیں