کراچی : پاکستانی حکومت کو معاشی محاذ پر بڑی کامیابی مل گئی ، پاکستان کے بارڈر ٹریڈنگ انڈیکس میں28 درجے بہتری ہوئی اور فہرست میں 108پر آگیا۔
تفصیلات کے مطابق وفاقی وزیر برائے بحری امور علی زیدی نے سماجی رابطے کی ویب سائٹ ٹوئٹر پر اپنے بیان میں کہا کہ عمران خان کی حکومت کی بڑی کامیابی ، پاکستان کے بارڈر ٹریڈنگ انڈیکس میں28 درجے بہتری ہوئی اور 2020کی فہرست میں پاکستان 136 سے 108پر آگیا، معیشت درست سمت میں جارہی ہے۔
خیال رہے عالمی بینک نے ایز آف ڈوئنگ بزنس پر سالانہ رپورٹ جاری کردی، جس میں ٹریڈنگ فیسیلٹی اگریمنٹ کے تحت متعدد اقدامات پر عمل درآمد کے باعث پاکستان کی ٹریڈنگ اکراس بادڑر انڈیکس میں اٹھائیس درجے بہتری ہوئی۔
ایز آف ڈوئنگ بزنس پر سالانہ رپورٹ کے مطابق پاکستان کی رینکنگ ایک سو چھتیس سے بہتر ہو کر ایک سو آٹھ پر آگئی ،، نومبر2020 میں پاکستان کی ورلڈ ٹریڈ آرگنائزیشن کے ٹی ایف اے پرعملدرآمدکی شرح اناسی فیصد تک پہنچ گئی ۔ جو جون دو ہزار اٹھارہ میں محض چونتیس فیصد تھی۔
