The news is by your side.

Advertisement

شان مسعود نے کاؤنٹی کرکٹ‌ میں‌ ‌بڑا اعزاز اپنے نام کرلیا

پاکستانی بلے باز شان مسعود نے برطانوی کاؤنٹی کرکٹ میں ڈبیو کرتے ہی ڈبل سنچری بناکر تاریخ رقم کردی۔

تفصیلات کے مطابق پاکستان کے بہت سے کھلاڑی ان دنوں کاؤنٹی کرکٹ میں کارکردگی دکھانے کےلیے برطانیہ میں موجود ہیں اور مختلف ٹیموں کی نمائندگی کررہے ہیں۔

ان دنوں شان مسعود کے ہر طرف چرچے ہورہے ہیں جنہوں نے کاؤنٹی کرکٹ میں ڈبیو کرکے دوسرے ہی میچ میں ڈربی شائر کےلیے ڈبل سنچری اسکور کی ہے۔

شان مسعود پاکستان کی جانب سے کاؤنٹی کرکٹ میں ڈبل سنچری اسکور کرنے والے پہلے اوپننگ بلے باز ہیں۔

رپورٹ کے مطابق شان مسعود نے ڈربی شائر کی نمائندگی کرتے ہوئے سسکس کے خلاف 201 رنز کی ناقابل شکست اننگز کھیلی۔

پاکستانی بلے باز کے 201 رنز اور وین میڈسن کے 88 رنز کی بدولت ڈربی شائر دو وکٹوں کے نقصان پر 327 رنز اسکور کرچکی ہے۔

واضح رہے کہ کاؤنٹی کرکٹ میں محمد رضوان سسکس کی جانب سے کھیل رہے ہیں جب کہ محمد عباس ہیمپ شائر، حسن علی لنکا شائر، ظفر گوہر گلاسٹر شائر اور حارث رؤف یارک شائر کی نمائندگی کررہے ہیں جب کہ گلاسٹر شائر نے نسیم شاہ کو کندھے کی انجری کے باعث راؤنڈ ٹو میں آرام دے دیا۔

Comments

یہ بھی پڑھیں