قومی ٹیم کے سابق اسپیڈ اسٹار شعیب اختر انگلینڈ کے خلاف سیریز میں شکست پر قومی ٹیم کی کارکردکی پر برس پڑے
گزشتہ روز کھیلے گئے سیریز کے ساتویں اور فیصلہ کن معرکے میں انگلش ٹیم نے پاکستان کو 67 رنز سے شکست دے کر 4-3 سے سیریز اپنے نام کرلی تھی۔
ڈیوڈ ملان کو 47 گیندوں پر 78 رنز کی میچ وننگ اننگ کھیلنے پر بہترین کھلاڑی قرار دیا گیا تھا ان کی دھواں دار اننگز میں 3 چھکے اور 8 بلند و بالا چوکے شامل تھے۔
ہیری بروک 238 رنز بنانے پر سیریز کے بہترین کھلاڑی قرار پائے تھے۔
سیریز میں شکست پر سابق قومی کرکٹرز شعیب اختر اور وسیم اکرم نے قومی ٹیم کو آڑے ہاتھوں لے لیا۔
شعیب اختر نے کہا کہ ’اگر ایسی ہی کارکردگی رہی تو ورلڈ کپ کے پہلے راؤنڈ میں ہی باہر ہوجائیں گے۔
دوسری جانب سوئنگ کے سلطان وسیم اکرم نے کہا کہ ’دو سو رنز کے تعاقب میں دلیری نظر نہیں آئی اگر اچھا کھیل کر شکست ہوتی تو میچ ہارجانے پر بھی سپورٹ کیا جاتا۔
یاد رہے کہ قومی ٹیم تین ملکی سیریز کھیلنے کے لیے نیوزی لینڈ پہنچ گئی ہے جہاں پاکستان، بنگلہ دیش اور کیوی ٹیمیں مدمقابل آئیں گی۔