The news is by your side.

Advertisement

پاکپتن میں بیکری پر لوٹ مار، مزاحمت مالک شدید زخمی، ڈاکو باآسانی فرار

پاکپتن : مسلح افراد نے بیکری پر دھاوا بول کر ہزاروں مالیت کی نقدی اور موبائل فون چھین لیے، مزاحمت پر دکان مالک کوتشدد کا نشانہ بنایا اور فرار ہوگئے۔

تفصیلات کے مطابق پاکپتن میں بیکری پر لوٹ مارکے دوران مزاحمت پر ڈاکوؤں نے تشدد کرکے مالک کو شدید زخمی کردیا، واردات کی سی سی ٹی وی فوٹیج اے آر وائی نیوز کو موصول ہوگئی۔

پاکپتن کے جنرل بس اسٹینڈ کے قریب بیکری میں دو موٹرسائیکل سوار ڈاکو داخل ہوئے، مسلح افراد نے دکان میں موجود عملے اور گاہکوں کو یرغمال بنالیا، ڈاکوؤں نے ہزاروں روپے کی نقدی اور موبائل فون لوٹ لیے۔

بیکری مالک نے مزاحمت کی تو ملزمان نے تشدد کا نشانہ بنایا اور آسانی سے فرار ہوگئے، شہر میں لوٹ مار کی وارداتوں میں اضافے کے باعث شہریوں میں عدم تحفظ کا احساس بڑھ گیا ہے۔

Comments

comments

یہ بھی پڑھیں