پاکپتن میں دیہاتیوں کے ساتھ واردات کر کے فرار ہونے والے ڈاکوؤں کو پولیس نے مبینہ مقابلے میں گرفتار کرلیا جبکہ دوسرا فرار ہوگیا۔
تفصیلات کے مطابق تھانہ قبولہ کے علاقے میں موٹر سائیکل سوار دو مسلح ڈاکوؤں نے دیہاتی سے ڈکیتی کی کوشش کی اور فرار ہوگئے۔
ون فائیو پر کال موصول ہونے پر قبولہ پولیس نے مسلح ڈاکوؤں کا تعاقب کیا، تو مسلح ڈاکوؤں نے پولیس پارٹی پر فائرنگ کردی جوابی فائرنگ سے ایک ڈاکو کو پولیس نے زخمی حالت میں گرفتار کرلیا۔
پولیس کا کہنا ہے کہ گرفتار زخمی ڈاکو کی شناخت طارق ولد منیر کھرل کے نام سے ہوئی ہے جبکہ ساتھی ڈاکو فرار ہونے میں کامیاب ہوگیا۔
پولیس ترجمان کے مطابق گرفتار زخمی ڈاکو پاکپتن اور بہاولنگر میں ڈکیتی کے تیرہ سے زائد مقدمات میں ریکارڈ یافتہ ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں