پیر, فروری 17, 2025
اشتہار

آخری اوورز میں کیا پلان تھا؟ شاداب خان نے بتادیا

اشتہار

حیرت انگیز

قومی ٹیم کے آل راؤنڈر شاداب خان کا کہنا ہے کہ جب شاہین اور نسیم آئے تو یہی پلان تھا دو، دو رنز لوں اور درمیان میں کوئی باؤنڈری ملے تو وہ بھی لگائیں۔

پاکستان نے افغانستان کو سنسنی خیز مقابلے کے بعد ایک وکٹ سے شکست دی، پاکستان نے افغانستان کی جانب سے دیا جانے والا 301 رنز کا ہدف آخری گیند پر حاصل کیا۔

نسیم شاہ نے 5 گیندوں پر 10 رنز بنا کر قومی ٹیم کو کامیابی دلوائی، شاداب خان نے بھی 35 گیندوں پر 48 رنز کی برق رفتار اننگز کھیلی، انہیں میچ کا بہترین کھلاڑی قرار دیا گیا۔

میچ کے بعد گفتگو کرتے ہوئے شاداب خان نے کہا کہ ’جب آپ سینئر کھلاڑی ہوتے ہیں تو ایسی صورتحال سے اکثر گزرتے ہیں، کبھی ہم ناکام ہوجاتے ہیں کبھی کامیاب ہوتے ہیں۔‘

انہوں نے کہا کہ مجھے لگتا ہے کہ آج میرا دن تھا، ان کے پاس ورلڈ کلاس اسپنر ہیں، میں ان کے اوور گزار رہا تھا اور فاسٹ بولر کے خلاف تیز کھیلنے کی کوشش کررہا تھا۔‘

شاداب خان نے کہا کہ یہاں باؤنڈری بڑی ہے تو دو رنز لینا آسان ہے، یہ پلان تھا کہ دو، دو رنز لوں اور موقع ملے تو باؤنڈری بھی لگاؤں۔

واضح رہے کہ پاکستان نے افغانستان کے خلاف ون ڈے سیریز میں 2-0 کی فیصلہ کن برتری حاصل کرلی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں