The news is by your side.

پاک انگلینڈ میچ: سیلاب متاثرین کی انٹری مفت

کراچی میں رہائشی کیمپس میں مقیم سیلاب متاثرین کو پاکستان اور انگلینڈ کے مابین ہونے والے T-20 میچز نیشنل اسٹیڈیم میں مفت دکھائے جائیں گے۔

سیکیورٹی ڈویژن کی جانب سے سیلاب متاثرین کے چہروں پر خوشیاں بکھیرنے کے لئے اہم اقدام کیا گیا ہے۔ سیلاب متاثرین کو میچز کے فری پاسسز دیے جائیں گے۔

متاثرین کو ایس ایس یو کی خصوصی بس شٹل سروس کے ذریعے رہائشی کیمپس سے اسٹیڈیم لایا اور لے جایا جائے گا۔
سیکیورٹی ڈویژن کی جانب سے یہ اقدام ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کی ہدایات پر اٹھایا گیا۔

ڈی آئی جی ڈاکٹر مقصود احمد کا کہنا ہے کہ سیلاب متاثرین کو اسٹیڈیم میں میچ دکھانے پر پی سی بی چئیرمین رمیز راجہ کا بھر پور تعاون ہے جس کے لیے ان کے شکرگزار ہیں۔

سیلاب متاثرین فری پاسز کے لیے 99244650-021 نمبر پر کال کر کے رجسٹر ہو سکتے ہیں۔ رجسٹریشن کے وقت متعلقہ رہائشی کیمپ اور اس کے فوکل پرسن سے ویریفیکیشن کی جائیگی۔

Comments

یہ بھی پڑھیں