راولپنڈی: قومی ٹیم کے اوپنر بیٹر امام الحق کا کہنا ہے کہ انگلینڈ نے بہت اچھا کھیلا ہے اب ہمیں سنبھل کر کھیلنا ہوگا۔
پنڈی ٹیسٹ میچ کے تیسرے روز 121 رنز کی شاندار اننگز کھیلنے والے اوپنر بیٹر امام الحق نے نیوز کانفرنس کرتے ہوئے کہا کہ ابھی 6 سیشنز باقی ہیں کل کے سیشن میں کوشش کریں گے اچھا کھیلیں۔
انہوں نے کہا کہ پچ پر تھوڑا سا بریک اور باؤنس ملا ہے ہمیں بہتری کے لیے مزید اچھا کھیلنا ہوگا۔
@ImamUlHaq12 marches on #PAKvENG | #UKSePK pic.twitter.com/UZBVkUoIfX
— Pakistan Cricket (@TheRealPCB) December 3, 2022
امام الحق نے کہا کہ کپتان بابر اعظم کے ساتھ میچز کھیلتا ہوں جبکہ عبداللہ شفیق کے ساتھ بھی اچھا کھیلنے کا موقع ملا ہے، میں نے ڈومیسٹک کرکٹ بہت کھیلی جس سے بیٹنگ میں بہتری آئی ہے۔
اوپنر بیٹر نے کہا کہ جب اسکور بورڈ پر 650 رنز کا مجموعہ ہو تو خود کو بچانا بھی ہوتا ہے اور کوشش کرنی ہوتی ہے کہ اسکورز بھی زیادہ ہو اور محتاط ہوکر کھیلیں۔
واضح رہے کہ تیسرے روز پاکستان نے بابر اعظم، عبداللہ شفیق اور امام الحق کی شاندار سنچریوں کی بدولت 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں۔
Imam-ul-Haq's press conference at the end of the third day's play in Rawalpindi. #PAKvENG | #UKSePK https://t.co/cCDifQnUMv
— Pakistan Cricket (@TheRealPCB) December 3, 2022
انگلینڈ کی جانب سے ول جیکز نے تین کھلاڑیوں کو پویلین کی راہ دکھائی، جیک لیچ نے دو وکٹیں حاصل کیں جبکہ جمی اینڈرسن اور روبنسن ایک، ایک وکٹ حاصل کرسکے۔
آغا سلمان 10 اور زاہد محمود ایک رن کے ساتھ کریز پر موجود ہیں۔
