The news is by your side.

Advertisement

آسٹریلوی اسکواڈ کی کرونا ٹیسٹ رپورٹ آگئی

لاہور: آسٹریلیا کے تمام کھلاڑیوں اور اسٹاف ممبر کی کرونا رپورٹ آگئی ہے۔

آسٹریلوی ٹیم کے ترجمان کی جانب سے بتایا گیا کہ دستیاب کھلاڑیوں کے ٹیسٹ کل شب میچ کے بعد اور آج صبح دوبارہ کئے گئے تمام کے ٹیسٹ منفی آئے ہیں۔

یاد رہے کہ گزشتہ روز آسٹریلوی اسکواڈ کے 2 کرکٹرز اور ایک اسٹاف ممبر کا کووڈ 19 مثبت آیا تھا جس کے بعد ارکان آئسولیشن مکمل کر رہے ہیں۔

کرونا مثبت آنے والے کھلاڑیوں میں آسٹریلوی ٹیم کے اسپنر ایشٹن ایگر اور جوش انگلس کا بھی کووڈ ٹیسٹ بھی مثبت آیا تھا جس کی تصدیق کرکٹ آسٹریلیا نے کی تھی۔

یہ بھی پڑھیں: پاک آسٹریلیا ون ڈے: پہلے میچ سے قبل مہمان ٹیم کو بڑا دھچکا

اس کے علاوہ ٹیم کے فزیو تھراپسٹ برینڈن ولسن بھی کرونا وائرس میں مبتلا ہوگئے تھے۔

جوش انگلس کا کرونا ٹیسٹ مثبت آنے کے بعد متبادل کے طور پر طلب کیے جانے والے کرکٹر میٹ رنشا گزشتہ رات لاہور پہنچ چکے ہیں۔

ادھر انجری کا شکار مچل مارش پاکستان کے خلاف ون ڈے سیریز کا کوئی میچ نہیں کھیل پائیں گے، ذرائع کے مطابق مچل مارش کی فٹنس بحالی اور وائٹ بال سیریز کے لیے دستیابی کا امکان نہیں رہا، اس صورتحال میں انہیں وطن واپس بھجوایا جا رہا ہے۔

Comments

یہ بھی پڑھیں