The news is by your side.

Advertisement

وائٹ بال سیریز سے قبل آسٹریلیا مشکلات کا شکار

لاہور: پاکستان کے خلاف وائٹ بال سیریز سے قبل کینگروز ٹیم مشکلات کا شکار ہوگئی ہے۔

تفصیلات کے مطابق آسٹریلوی آل راؤنڈر مچل مارش انجری کا شکار ہوگئے ہیں جس کے باعث پاکستان کے خلاف وائٹ بال سیریز میں ان کی شرکت مشکوک ہوگئی ہے۔

آسٹریلوی کپتان ایرون فنچ نے تصدیق کی ہے کہ مارش ہپ مسل انجری کا شکار ہوئے، لگتاہے کہ مچل مارش سیریز کے لئےدستیاب نہیں ہوں گے۔

آسٹریلوی آل راؤنڈر مچل مارش کو فیلڈنگ ڈرلز کے دوران انجری کا سامنا کرنا پڑاتھا۔

یہ بھی پڑھیں: آسٹریلیا کیخلاف پاکستان کو بڑا دھچکا

پاکستان کے خلاف وائٹ بال سیریز سے قبل کینگروز ٹیم کو دوسر بڑا دھچکا ملا ہے، اس سے قبل اسٹیو اسمتھ بھی انجری کے باعث وائٹ بال سیریز سے باہر ہوچکے ہیں۔

آسٹریلوی کرکٹ بورڈ کا کہنا تھا کہ اسٹیو اسمتھ کی جگہ لیگ اسپنر مچل سوئپسن کو پاکستان کے خلاف ون ڈے اور ٹی ٹوینٹی سیریز کے لیے اسکواڈ کا حصہ بنایا گیا ہے۔

واضح رہے کہ پاکستان اور آسٹریلیا کے درمیان تین ون ڈے اور ایک ٹی ٹوئنٹی انٹرنیشنل میچز کی سیریز 29 مارچ سے 5 اپریل تک قذافی اسٹیڈیم لاہور میں کھیلی جائے گی۔

Comments

یہ بھی پڑھیں