ملتان ٹیسٹ میچ کے دوسرے روز قومی ٹیم کے کپتان بابر اعظم کی امپائر کے پاس جاکر انہی کی نقل اتارنے کی دلچسپ ویڈیو وائرل ہوگئی۔
ملتان ٹیسٹ کے دوسرے روز قومی ٹیم اپنی پہلی اننگز میں 202 رنز پر ڈھیر ہوگئی، بابر اعظم کے 75 اور سعود شکیل کے 63 رنز کے علاوہ کوئی کھلاڑی خاطر خواہ کارکردگی نہ دکھا سکا۔
محمد رضوان دس رنز بنا کر پویلین لوٹ گئے، فہیم اشرف نے 22 رنز بنائے جبکہ محمد نواز ایک رن بنا کر جیک لیچ کو دکٹ دے کر چلتے بنے۔
Stumps on Day Two as England lead by 281 runs #PAKvENG | #UKSePK pic.twitter.com/uQzbIrejYl
— Pakistan Cricket (@TheRealPCB) December 10, 2022
انگلینڈ کی جانب سے جیک لیچ نے چار وکٹیں حاصل کیں جبکہ فاسٹ بولر مارک ووڈ اور جو روٹ نے دو، دو کھلاڑیوں کو پویلین کی راہ دکھائی، جیمز اینڈرسن ایک وکٹ حاصل کرسکے۔
دوسری اننگز میں انگلش ٹیم نے کھیل کے اختتام پر 5 وکٹوں کے نقصان پر 202 رنز بنالیے ہیں، ہیرو بروک 74 اور بین اسٹوکس 16 رنز کے ساتھ کریز پر موجود ہیں۔
Dominant as always #PAKvENG | #UKSePK pic.twitter.com/YfTSCxmTFS
— Pakistan Cricket (@TheRealPCB) December 9, 2022
دوران میچ اس وقت دلچسپ صورتحال دیکھنے میں آئے جب بابر اعظم امپائر مارس ایرسمس کے پاس گئے اور انہی کا انداز اپنانے لگے۔
Babar Azam got no chills#BabarAzam pic.twitter.com/8hrrdksgYZ
— Maham Gillani (@dheetafridian__) December 10, 2022
قومی ٹیم کے کپتان کی یہ ویڈیو سوشل میڈیا پر وائرل ہورہی ہے اور صارفین کی جانب سے اس پر دلچسپ تبصرے کیے جارہے ہیں۔
