کراچی: تیسرے ٹی 20 میچ کے دوران فاسٹ بولر حارث رؤف کے باؤنسر سے گیند ہیری بروک کے ہیلمٹ میں پھنس گئی جس کی ویدیو وائرل ہوگئی۔
انگلینڈ نے تیسرے ٹی 20 میچ میں پاکستان کو 223 رنز کا ہدف دیا ہے ہیری بروک نے ناٹ آؤٹ 81 رنز کی اننگ کھیلی۔ان کی اننگ میں 5 بلند و بالا چھکے اور 8 چوکے شامل تھے۔
اننگزکے 17ویں اوور میں حارث رؤف کی خطرناک باؤنسر سے ہیری بروک بچ گئے اور گیند سیدھے ان کے ہیلمٹ میں پھنس گئی۔
خوش قسمتی سے انہیں کوئی چوٹ نہیں آئی بعدازاں فاسٹ بولر اور وکٹ کیپر رضوان نے ان کی خیریت دریافت کی۔
"Caught in the grille"
Brook gets a hug from Rauf after the sharp bouncer 🤝#PAKvENG | #UKSePK pic.twitter.com/UZRljMQt9C
— Pakistan Cricket (@TheRealPCB) September 23, 2022
واضح رہے کہ 7 میچوں کی سیریز 1-1 سے برابر ہے، پہلے میچ میں انگلش ٹیم نے پاکستان کو شکست دی تھی جبکہ گزشتہ روز پاکستان نے حریف ٹیم کو 10 وکٹوں سے شکست دے تھی۔
بابر اعظم نے شاندار 110 رنز کی اننگ کھیلی تھی جبکہ رضوان 88 رنز کے ساتھ نمایاں رہے تھے۔