پاکستان اور انگلینڈ کے درمیان کھیلے گئے چوتھے ٹی 20 میچ میں محمد رضوان کی بیٹیوں کی دلچسپ ویڈیو سوشل میڈیا پر وائرل ہوگئی۔
چوتھے ٹی 20 میچ میں فاسٹ بولر حارث رؤف نے اپنی شاندار بولنگ کی بدولت میچ کا پانسہ آخری لمحات میں پلٹا اور قومی ٹیم یقینی شکست سے بچ گئی دونوں ٹیموں کے درمیان سیریز 2-2 سے برابر ہے۔
میچ کے بعد رضوان کی بیٹیوں کی ویڈیو سوشل میڈیا پر اس وقت وائرل ہوگئی جب ننھی بچیوں نے مین آف دی میچ سے متعلق سوال کیا۔
رضوان کپتان بابر کو بتاتے ہیں کہ ان کی بیٹیوں نے پوچھا ہے کہ کپ کس کو ملا جس پر رضوان نے بتایا کہ حارث رؤف کو ملا۔
وکٹ کیپر بیٹر بتاتے ہیں کہ بیٹیوں نے پھر سوال کیا کہ حارث رؤف کیوں ملا؟ جس پر انہوں نے کہا کہ "میں نے خراب بیٹنگ کی” جس پر ننھی بیٹیوں نے کہا کہ "آپ نے خراب کیوں کھیلا۔”
not rizwan's daughter asking him why he didn't win man of the match and him replying "batting kharab kardi thi"😭 also babar & rizwan's daughters bonding <3pic.twitter.com/kwcBcJkysc
— . (@shizaahahaa) September 26, 2022
رضوان کی بیٹیوں کے ہمراہ یہ ویڈیو سوشل میڈیا پر کافی مقبول ہورہی ہے جس پر صارفین دلچسپ تبصرے کررہے ہیں۔
خیال رہے کہ سات ٹی ٹوئنٹی میچز کی سیریز میں پاکستانی بولرز نے چوتھے میچ میں شاندار کارکردگی کا مظاہرہ کیا اور انگلش ٹیم کو 3 رنز سے شکست دے کر سیریز 2-2 سے برابر کردی۔
