کراچی: قومی ٹیم کے اوپنر بیٹر فخر زمان کا کہنا ہے کہ گلین فلپس کی جارحانہ بیٹنگ نے میچ کو یکطرفہ کردیا۔
کراچی کے نیشنل اسٹیڈیم میں کھیلے گئے تیسرے ون ڈے میچ میں نیوزی لینڈ نے پاکستان کو شکست دے کر سیریز 2-1 سے اپنے نام کرلی، کیوی ٹیم نے پاکستان کو 47 سال بعد ہوم گراؤنڈ پر شکست دی ہے, گلین فلپس کو میچ اور ڈیوڈ کونوے کو سیریز کا بہترین کھلاڑی قرار دیا گیا۔
New Zealand win the series-deciding third ODI courtesy of Glenn Phillips' unbeaten 63.#PAKvNZ | #TayyariKiwiHai pic.twitter.com/bHttJhDeNu
— Pakistan Cricket (@TheRealPCB) January 13, 2023
پاکستان کی جانب دیا گیا 282 رنز کا ہدف کیوی ٹیم نے 49ویں اوور میں پورا کرلیا۔ گلین فلپس نے 37 گیندوں پر 67 رنز کی جارحانہ اننگز کھیلی، انہوں نے چار چھکے اور چار چوکے لگائے۔
کپتان کین ولیمسن 53 اور ڈیون کانوے نے 52 رنز کی اننگز کھیل کر اپنی ٹیم کی فتح میں اہم کردار ادا کیا۔
With 153 runs, your Player of the Series – Devon Conway 🏏#PAKvNZ pic.twitter.com/IxpJxlUnaB
— BLACKCAPS (@BLACKCAPS) January 13, 2023
میچ کے بعد فخر زمان نے کہا کہ ’اندازہ تھا کہ وکٹ پر بیٹنگ مشکل ہوگی جب گلین فلپس بیٹنگ کے لیے آئے تو انہوں نے اس مشکل وکٹ پر شاندار بیٹنگ کی، نیوزی لینڈ کی جیت کا کریڈٹ گلین فلپس کو ہی جاتا ہے۔
انہوں نے کہا کہ ہر کھلاڑی کی کوشش ہوتی ہے کہ ٹیم میچ جیتے لیکن کھیل میں ہار جیت ہوتی رہتی ہے ماضی میں بھی انہی کھلاڑیوں نے میچز جتوائے ہیں۔
Fakhar Zaman's press conference at the end of the ODI series.#PAKvNZ https://t.co/JWxumNY5sT
— Pakistan Cricket (@TheRealPCB) January 13, 2023
ورلڈ کپ 2023 سے متعلق سوال کے جواب میں فخر زمان نے کہا کہ ’ٹیم کا کمبی نیشن اچھا بنا ہوا ہے، ہم ون ڈے کرکٹ بھی اچھی کھیل رہے ہیں آج کا میچ بھی کلوز جاکر ہارے۔
انجری سے متعلق اوپنر بیٹر نے کہا کہ میں فیلڈ میں جانا چاہ رہا تھا لیکن فزیو نے منع کردیا، فٹنس بہتر ہے پی سی بی کے فٹنس ٹیسٹ کلیئر کرکے ہی ٹیم میں واپسی ہوئی ہے۔