آکلینڈ: پاکستا ن نے دوسرے ٹی ٹوئنٹی میچ میں نیوزی لینڈ کے خلاف ٹاس جیت کر پہلے بیٹنگ کرتے ہوئے میزبان ٹیم کو 202 رنز کا ہدف دیا‘ پاکستانی بلے با ز ٹی ٹوئنٹی میں نیا ریکارڈ بھی قائم کرگئے۔
تفصیلات کے مطابق سیریز کا دوسرا ٹی 20 میچ آج نیوزی لینڈ کے شہر آکلینڈ میں کھیلا جارہا ہے ۔ پاکستان نے مقررہ اوور میں چار وکٹوں کے نقصان پر 201 رنز بنائے ہیں جبکہ ٹاپ آرڈر کے چاروں بلے باز 40 سے زیاد ہ رنز بنانے کا ریکارڈ بنانے میں بھی کامیاب رہے۔
پہلے بیٹنگ کرتے ہوئے پاکستانی بلے بازوں نے ذمہ داری کا مظاہرہ کیا اور فخر زمان اور بابر اعظم نے نصف سنچریاں اسکور کیں‘ احمد شہزاد نے 44 اور کپتان سرفراز احمد نے 41 رنز کی اننگ کھیل کر نیوزی لینڈ کے خلاف بڑا اسکور کیا۔
سیریز کو بچانے کے لئے پاکستان ٹیم کے لئے میچ میں لازمی فتح درکار ہے۔ پاکستان کرکٹ ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیاتھا۔ ٹیم میں محمد نواز کی جگہ احمد شہزاد کو شامل کیا گیا۔
کرکٹ ماہرین کے مطابق ایڈن پارک میں ہونے والے مقابلے میں چھوٹی باؤنڈریز کی وجہ سے بولرز کو سخت مشکلات کا سامنا کرنا پڑسکتا ہے۔ میچ میں بڑے اسکور کی توقع کی جارہی ہے۔ اگر پاکستانی بولرز نے ذمے داری کا مظاہرہ نہیں کیا، تو اس ’ڈو اور ڈائی‘ میچ میں شکست پاکستان کا مقدر بن سکتی۔
یاد رہے کہ ایڈن پارک میں دونوں ٹیموں کے کا یہ تیسرا ٹاکرا ہے۔ دوہزار دس میں نیوزی لینڈ اور دوہزار سولہ میں پاکستان یہاں کامیاب رہا تھا۔ میچ سے قبل شاہینوں نے نیٹ میں جم کر پریکٹس کی۔ کھلاڑیوں کی جانب سے کیویز کو شکست دینے کا عزم ظاہر کیا گیا۔
مصنوعی روشنی میں پاکستان اور نیوزی لینڈ کے درمیان کھیلا جانے والا یہ فیصلہ کن میچ پاکستانی وقت کے مطابق صبح گیارہ بجے شروع ہوچکا ہے۔
یاد رہے کہ ویلنگٹن میں کھیلے جانے والے پہلے ٹی 20 میں پاکستان کا شکست کا سامنا کرنا پڑا تھا۔ نیوزی لینڈ نے جارحانہ بیٹنگ کرتے ہوئے 15 اوورز میں دیا گیا ہدف مکمل کر کے 7 وکٹوں سے فتح اپنے نام کرلی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
