قومی ٹیم کے عبوری چیف سلیکٹر شاہد آفریدی نے نیوزی لینڈ کے خلاف کامیابی پر قومی ٹیم کو مبارک باد پیش کی ہے۔
کراچی میں کھیلے گئے پہلے ون ڈے میچ میں پاکستان نے نیوزی لینڈ کو باآسانی 6 وکٹوں سے شکست دے دی، نسیم شاہ کو پانچ وکٹیں حاصل کرنے پر میچ کا بہترین کھلاڑی قرار دیا گیا۔
پہلے ون ڈے میچ میں نیوزی لینڈ نے پہلے بیٹنگ کرتے ہوئے مقررہ اوورز میں 9 کٹوں کے نقصان پر 255 رنز بنائے، گرین شرٹس نے مطلوبہ ہدف 48.1 اوورز میں 4 وکٹوں کے نقصان پر حاصل کرلیا۔
A maximum to finish things off! 💥
9️⃣th ODI win in a row 🇵🇰👏#PAKvNZ | #TayyariKiwiHai pic.twitter.com/z15eS9qvxD
— Pakistan Cricket (@TheRealPCB) January 9, 2023
کپتان بابر اعظم نے 66 رنز کی ذمہ دارانہ اننگز کھیلی، فخر زمان 56 رنز کے ساتھ نمایاں رہے جبکہ وکٹ کیپر بیٹر محمد رضوان 77 رنز کے ساتھ ناقابل شکست رہے، نسیم شاہ کو شاندار بولنگ پر میچ کا بہترین کھلاڑی قرار دیا گیا۔
1️⃣-0️⃣ up 👏
Pakistan cruise to a comfortable win in the first ODI 🙌#PAKvNZ | #TayyariKiwiHai pic.twitter.com/BPAYGjsHXf
— Pakistan Cricket (@TheRealPCB) January 9, 2023
دونوں ٹیموں کے درمیان دوسرا ون ڈے میچ 11 جنوری اور تیسرا ایک روزہ میچ 13 جنوری کو کھیلا جائے گا۔
قومی ٹیم کی شاندار کامیابی پر شاہد آفریدی نے کہا کہ ’پاکستان نے نیوزی لینڈ کو کھیل کے تمام شعبوں میں بے بس کیا ہے، بابر، نسیم شاہ، اسامہ، حارث اور رضوان کے لیے اچھا دن تھا۔
📸🎯🔥 pic.twitter.com/s44TkL8T3i
— Pakistan Cricket (@TheRealPCB) January 9, 2023
شاہد آفریدی کا کہنا تھا کہ فخر زمان نے ٹیم کو اچھا آغاز فراہم کیا امید ہے کہ دوسرے ون ڈے میں بھی ایسا ہی میچ دیکھنے کو ملے گا۔