نیوجوسی : امریکہ کے شہر نیوجرسی کی مصروف شاہراہ کا نام تبدیل کرکے فلطسین وے رکھنے پر ہزاروں فلسطینی نژاد باشندوں نے جشن منایا۔
گزشتہ روز مختلف علاقوں سے تعلق رکھنے والے 5 ہزار سے زائد فلسطینی شہری اپنے جھنڈے لہراتے ہوئے امریکی شہر ساؤتھ پیٹرسن میں جمع ہوئے اور جشن منایا۔
پیٹرسن سٹی کونسل نے شہر کی بڑی فلسطینی کمیونٹی اور کاروباری شخصیات کے اعزاز میں ایک تقریب منعقد کی جس میں ساؤتھ پیٹرسن کی ایک مرکزی شاہراہ کا نام تبدیل کرکے فلسطین وے رکھا گیا۔
اس موقع پر منعقدہ تقریب میں فلسطینی نژاد امریکیوں نے بڑی تعداد میں شرکت کی اور خوب ہلہ گلہ کیا۔ تقریب کو یادگار بنانے کیلئے منقدہ اسٹریٹ فیسٹیول میں اسٹیج پر گلوکاروں نے اپنے فن کا مظاہرہ کیا اور روایتی ڈانس کرتے ہوئے خوشی کا اظہار کیا۔
شرکاء کا کہنا تھا کہ یہ تقریب ہمیں بیرون ملک مقیم فلسطینیوں کی جدوجہد کو ہمیشہ یاد رکھنے کی بہترین کاوش ہے، انہوں نے کہا کہ آج کی یہ تقریب یہ بھی ظاہر کررہی ہے کہ فلسطینی انسان ہیں، ہم امریکی ہیں اور ہم یہ کبھی نہیں بھولیں گے کہ ہم کہاں سے آئے ہیں۔
سال1971 میں مقبوضہ فلسطین سے ساؤتھ پیٹرسن ہجرت کرنے والے برادری کے رہنما 72 سالہ عونی ابو احدبہ نے بتایا کہ مجھے وہ وقت بھی یاد ہے جب اس شہر میں صرف کچھ درجن فلسطینی قیام پذیر تھے اور جب ان کا سیاسی اثر و رسوخ بہت کم تھا۔
اتوار کو ہونے والی اس پروقار تقریب میں جہاں ایک جانب جشن منایا گیا وہی ایک افسوسناک واقعہ پر بھی غمو غصے کا اظہار کیا گیا۔ جس میں حاضرین نے الجزیرہ ٹی وی کی مقتول صحافی شیرین ابو قلاح کو خراج عقیدت پیش کیا، جسے گزشتہ ہفتے اسرائیلی فورسز نے سر میں گولی مار کر شہید کردیا تھا۔