پالپا اورحکام کےمذاکرات آج اسلام آباد میں ہوں گے -
The news is by your side.

Advertisement

پالپا اورحکام کےمذاکرات آج اسلام آباد میں ہوں گے

کراچی : قومی خزانے کو کروڑوں کا نقصان پہنچنےکےبعد حکومت کو خیال آہی گیا۔چارروزبعد تنازعےکی گتھی سلجھانےکےلئےوزیراعظم کےمشیر برائے ہوابازی شجاعت عظیم میدان میں آگئے۔

پالپا نمائندوں اور پی آئی اے انتظامیہ کو اسلام آباد طلب کرلیا، قومی ایئر لائن کو رن وے پر لا نے کیلئے پالپا اورحکام کےمذاکرات آج اسلام آباد میں ہوں گے۔

تفصیلات کے مطابق پی آئی اے سے مذاکرات کیلئے پالپا کا وفد اسلام آباد جانے کیلئے کراچی ایئر پورٹ سے روانہ ہوگیاہے، وفد کی قیادت پالپا کے صدر کیپٹن عامر ہاشمی کررہے ہیں, پالپا اور پی آئی اے کے درمیان مذاکرات دوپہر 2 بجے اسلام آباد میں ہونگے۔

اس موقع پر میڈیا سے گفتگو کرتے ہوئے پالپا کے صدرعامر ہاشمی کا کہنا تھا کہ حکومت سے ورکنگ ایگریمنٹ کے 14 نکات پر بات کریں گے اگرحکومت نے مطالبات کی منظوری کی گارنٹی دی تو بریک تھرو ہوگا۔

جہازاڑانےوالے کپتان بضد ہیں اورپی آئی اےانتظامیہ بھی الزام تراشیوں میں مصروف ہے،واضح رہے کہ سول ایوی ایشن اتھارٹی نے بلااجازت پرواز اڑانے پر پائلٹ کلیم کا لائسنس ایک سال اور کپتان زاہد کا لائسنس دو سال کیلئے معطل کردیا تھا۔

پالپا نے مطالبہ کیا ہے کہ ڈائریکٹر فلائٹ آپریشن کو برطرف کیا جائے اور منسوخ کئے گئے دو پائلٹس کے لائسنس بحال کئے جائیں ۔

تنازعہ کے سبب مسافروں کو شدید پریشانی کا سامنا ہے، دو روز میں تیس سے زائد ملکی و غیر ملکی پروازیں منسوخ ہوچکی ہیں، جبکہ پی آئی کو اب تک تقریباً30 کروڑ روپے سے زائد کا نقصان ہوچکا ہے۔

Comments

comments

یہ بھی پڑھیں