پاناما کیس: نوازشریف عدالت کا ہر فیصلہ قبول کریں گے، مصدق ملک Panama
The news is by your side.

Advertisement

پاناما کیس: نوازشریف عدالت کا ہر فیصلہ قبول کریں گے، مصدق ملک

اسلام آباد: وزیراعظم کے ترجمان مصدق ملک نے کہا ہے کہ نوازشریف واضح کرچکے ہیں کہ عدالت کا ہر فیصلہ قبول کریں گے کیونکہ مسلم لیگ ن عدالتوں کا احترام کرتی ہے۔

اسلام آباد میں لیگی رہنما دانیال عزیز کے ہمراہ پریس کانفرنس کرتے ہوئے مصدق ملک نے کہا کہ ’’عمران خان نے 90 دن میں کرپشن کے خاتمے کا وعدہ کیا مگر خیبرپختونخواہ میں ابھی تک احتساب کمیشن کا چیئرمین تعینات نہیں کیا گیا‘‘۔

انہوں نے کہا کہ ’’وزیراعظم نے سب سے پہلے اپنے خاندان کو احتساب کے لیے پیش کیا، نوازشریف پہلے ہی اعلان کرچکے ہیں کہ وہ عدالت کا ہر فیصلہ قبول کریں گے‘‘۔

ترجمان وزیراعظم نے کہا کہ ’’ 2002 میں ایک نشست جیتنے والی جماعت 2013کا پورا الیکشن جیتنےکی دعویداربن گئی اور انہوں نے تبدیلی کے دعوے بھی کیے‘‘۔

دانیال عزیز نے کہاکہ  عمران خان سیاسی جماعتوں کو برا بھلا کہنے اور جھوٹ بولنے کا رویہ بدلیں کیونکہ جھوٹ کےپاؤں نہیں ہوتے اور اس کا سہارا لینے والا شخص ہمیشہ رسوا ہوتا ہے۔

Comments

comments

یہ بھی پڑھیں