The news is by your side.

Advertisement

خان صاحب چاہتے ہیں رسی اور تختہ بھی ہم لائیں اور خود لٹک جائیں، دانیال عزیز

اسلام آباد : رہنمامسلم لیگ(ن)دانیال عزیز کا کہنا ہے کہ روزانہ نئے سوالات کی بھرمار ہمارے وکلا کی طرف کی جاتی ہے، خان صاحب چاہتے ہیں رسی اور تختہ بھی ہم لائیں اور خود لٹک جائیں۔

تفصیلات کے مطابق سپریم کورٹ میں پاناما کیس کی سماعت میں وقفے کے دوران مسلم لیگ (ن) کے رہنما دانیال عزیز نے میڈیا سے گفتگو کرتے ہوئے کہا کہ روزانہ نئے سوالات کی بھرمار ہمارے وکلا کی طرف کی جاتی ہے، روز ہمارے وکلا ہر سوال کا ایک ایک کرکے جواب دیتے ہیں، عدالت نے کہا ہے پی ٹی آئی کے دستاویزات قابل سماعت نہیں ہیں، اگر یہ دستاویزات قابل سماعت نہیں تو کن ثبوتوں پر سماعت ہورہی ہے۔

دانیال عزیز نے کہا کہ عدالت میں جتنے کاغذات جمع کرائے گئے سب مسلم لیگ(ن) نے جمع کرائے، خان صاحب چاہتے ہیں رسی اور تختہ بھی ہم اپنا لیکر آئیں، اور خود لٹک جائیں دانیال عزیز حسین اور حسن نواز ملک سے باہر اپنا کاروبار کرتے ہیں، الیکشن کمیشن نے 2012کی منی ٹریل مانگی تو نہیں دی جارہی ہے، کبھی اسلام آباد ہائیکورٹ بھاگتے ہیں، کبھی کہیں اور بھاگتے ہیں، ہم سے 70کی دہائی کا ریکارڈ مانگتے ہیں، خود 2012کا نہیں دے رہے۔

مسلم لیگ(ن) کے رہنما کا کہنا تھا کہ عمران خان پر ٹیکس چوری، کالادھن سفید کرنے کا الزام ہے، بنی گالہ جائیداد کا منروا کی ای میل سے کوئی تعلق نہیں ہے، روزلال دائرے لگا کر خوفناک میوزک چلا کر تصویر چلائی جاتی ہیں، جیسی بھی جمہوریت ہے یہ چل نکلی ہے، یہ ایک خاندان نہیں مسلم لیگ(ن)کے ہر کارکنان کے خلاف کارروائی ہے۔

انھوں نے مزید کہا کہ عزت اور ذلت عمران خان کے ہاتھ میں نہیں ہے، وقت نے ثابت کیا آپ قلابازی اور یوٹرن ماسٹر ہی، عمران خان نے 35پنکچر کے الزام کو ایک سیاسی بیان کہا۔

دانیال عزیز نے عمران خان کو مخاطب کرتے ہوئے کہا کہ عمران خان تیاری کرو، غیر ملکی فنڈنگ کا آپ کوجواب دینا ہے،عمران خان نے کالادھن سفید کرنے کی درخواست دی تو کیا یہ ٹیکس چوری کا اعتراف نہیں، مسلم لیگ(ن)کے کارکنان ایسی کارروائیوں کے درمیان سیسہ پلائی دیوار ہیں۔

مسلم لیگ(ن) کے رہنما دانیال عزیز نے عمران خان اور جہانگیر ترین کو مباحثے کا چیلنج دیتے ہوئے کہا کہ دونوں رہنما آئیں آج شام مجھ سے مباحثہ کریں، شریف خاندان کا گراف بلند اور عمران خان کا گراف گررہا ہے۔

Print Friendly, PDF & Email

Comments

comments

یہ بھی پڑھیں