site
stats
پاکستان

عمران خان پاناما کی بیساکھی کا استعمال بند کریں، مریم اورنگزیب

اسلام آباد :وزیرِ مملکت مریم اورنگزیب نے کہا کہ دہشت گردی کے خلاف جنگ لڑی جارہی ہے، دہشت گردی کے واقعات کی مذمت کرتے ہیں، عمران خان پاناما کی بیساکھی کا استعمال بند کریں جبکہ طلال چوہدری نے کہا کہ عمران خان صاحب آپ کےجھوٹ سے عوام بیزار ہوچکی اور جج بیمار پڑ رہے ہیں۔

سپریم کورٹ میں پاناما کیس کی سماعت ملتوی ہونے کے بعد وزیرِ مملکت مریم اورنگزیب نے میڈیا سے گفتگو میں کہا کہ مختلف شہروں میں دہشت گردی کے اندوہناک واقعات ہوئے، دہشت گردی کے خلاف جنگ لڑی جارہی ہے، دہشت گردی کے واقعات کی مذمت کرتے ہیں۔

مریم اورنگزیب نے کہا کہ دہشت گرد ہمارا عزم کمزور کرنے کی کوشش کرتے ہیں، دہشت گردی کے ہر واقعے کے بعد ہمارا عزم مضبوط ہوتا ہے، ایک بھی دہشت گرد کے باقی رہنے تک ہماری جنگ جاری رہے گی۔

انھوں نے کہا کہ عمران خان تاثر دے رہے ہیں، جیسے ثبوت پیش نہیں کئے جارہے، میاں شریف کے کاروبار سے متعلق تمام دستاویزات جمع کرائے گئے، بات اب حسن نواز اور فرم کے درمیان کاغذات تک آگئی ہے، سٹرک کے اس پار عمران خان استثنیٰ مانگ رہے ہیں۔

وزیرِ مملکت نے عمران خان کو مخاطب کرتے ہوئے کہا کہ عمران خان صاحب اب پاناما کی بیساکھی کا استعمال بند ہونا چاہئے، خان صاحب سی پیک، تعلیم، توانائی کے منصوبوں میں اپنا حصہ ڈالیں۔

عمران خان صاحب آپ کےجھوٹ سے عوام بیزار ہوچکی جج بیمار پڑ رہے ہیں، طلال چوہدری

پاکستان مسلم لیگ ن کے رہنما طلال چوہدری نے کہا کہ ہمیں پنجاب پولیس اورقانون نافذکرنے والے اداروں پر فخر ہے، تمام ادارے اپنی جانیں دیکر ہماری حفاظت کررہے ہیں، ہمیں اپنی فورسز کے ساتھ کھڑے ہوکر ان کا حوصلہ بلند کرنا ہے۔

طلال چوہدری نے کہا کہ لاہورمیں خودکش حملہ ہوا، عمران خان پوائنٹ اسکورنگ کررہے ہیں، عمران خان نے کرکٹ میں بال ٹمپرنگ کرکے کئی میچز جیتے،عمران خان پاناما کیس جھوٹ کی ٹمپرنگ کرکے جیتنا چاہتے ہیں۔

انھوں نے کہا کہ عمران خان صاحب آپ کےجھوٹ سے عوام بیزار ہوچکی جج بیمار پڑ رہے ہیں۔

مسلم لیگ ن کے رہنما کا کہنا تھا کہ دھرنا دیکر، سول نافرمانی کی تحریک چلا کر آپ نے وقت ضائع کیا،امید ہے انصاف انہیں قانون اور ضابطوں سے ہوگا، جس کا حلف اداروں نے لیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top