اسلام آباد : سابق وزیراعظم نوازشریف کے بعد ان کے بچوں نے بھی سپریم کورٹ میں پاناما کیس کے فیصلے پر نظرثانی کی درخواست پر سماعت مؤخر کرنے کی اپیل کردی، سماعت کے لیےپانچ رکنی لارجر بینچ تشکیل دینےکی استدعاکی گئی ہے۔
تفصیلات کے مطابق نااہل ہونے والے وزیراعظم نوازشریف کے بعد ان کے بچوں کی جانب سے بھی پانامہ کیس کے فیصلے پرنظرثانی کی درخواست پر سماعت موخر کرنے کی اپیل کی گئی ہے۔
ذرائع کے مطابق اپیل میں سماعت کے لیے پانچ رکنی لارجر بینچ تشکیل دینے کی استدعا کی گئی ہے۔ اپیل میں مؤقف اختیار کیا ہے گیا کہ تین اور پانچ رکنی بینچ کے فیصلے کیخلاف نظرثانی درخواستیں دائر کر رکھی ہیں۔
درخواست میں مؤقف اختیار کیا گیا کہ بارہ ستمبر کو صرف تین رکنی بینچ کے فیصلے کیخلاف اپیلیں مقررکی گئیں۔ پانچ رکنی بینچ کے فیصلے کیخلاف اپیلیں بھی سماعت کیلئے مقررکی جائیں۔
مزید پڑھیں: نوازشریف نے نظرثانی کی درخواستیں دائر کردیں
درخواست میں استدعا کی گئی ہے کہ دائر اپیلوں کو ایک ہی بینچ کے سامنے سماعت کیلئے مقرر کیا جائے، پاناما کیس کا فیصلہ پانچ رکنی بینچ نے دیا تھا۔
مزید پڑھیں: شریف خاندان کی نظرثانی درخواستیں سماعت کے لیےمنظور
تین رکنی بنچ لارجر بینچ کے فیصلے کو بدل نہیں سکتا، پانچ رکنی بینچ نے تین رکنی بینچ کے فیصلے کی توثیق کی تھی۔
