site
stats
پاکستان

قطری کےخط کاغذ کی کشتیاں ہیں جوانہیں لےڈوبیں گی،سراج الحق

اسلام آباد : امیر جماعت اسلامی سراج الحق نے کہا ہے کہ کرپشن کرنے والوں کاراستہ ہمیشہ کے لئے روکنا ہوگا، قطری کےخط کاغذ کی کشتیاں ہیں جوانہیں لےڈوبیں گی۔

تفصیلات کے مطابق سپریم کورٹ کے باہر امیر جماعت اسلامی سراج الحق نے میڈیا سے گفتگو کرتے ہوئے کہا کہ ایسا میکنزم بنایا جائے عہدہ ذاتی مفاد کیلئے استعمال نہ کیا جائے، سرکاری حیثیت کو ذاتی کاروبار کے لئے استعمال نہیں کیا جانا چاہئے۔

سراج الحق نے کہا کہ یقین ہے قطری شہزادوں کے خط کاغذ کی کشتی ثابت ہوں گے، پاناماکیس میں لڑنے کی نہیں دلائل دینے کی ضرورت ہے، حکومت کا دل لوہے سے زیادہ سخت ہے، ادویات کے معاملے پر حکومت بے حسی کامظاہرہ کررہی ہے۔

انھوں نے کہا کہ ایسامیکنزم بنے جس میں سب سے پہلے میرا احتساب ہوجائے، قطری کے خط کاغذ کی کشتیاں ہیں جو انہیں لے ڈوبیں گی، ہمیں عدالتوں پرمکمل اعتماد ہے اور ہر فیصلہ تسلیم کریں گے۔


مزید پڑھیں : پاناماکیس میں ہم سچ کوسچ اورجھوٹ کوجھوٹ کہیں گے‘سراج الحق


امیر جماعت اسلامی کا مزید کہنا تھا کہ اسپتالوں میں مریض پڑےہیں، دوائیں نہیں مل رہیں ،حکومت مسئلہ حل کرنے کے لئے تیار نہیں ہے، حکومت کا کام ایکشن لینا ہے درس دینا نہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top