لاہور: پاناماکیس کے فیصلے سے ایک روز پہلےلاہور میں خواجہ سعد رفیق کے حلقے میں وزیراعظم نوازشریف کے حق میں بینرزآویزاں کر دیئے گئے ہیں۔
تفصیلات کے مطابق ریلوے کے وزیر اپنے قائد سے وفاداری میں بازی لے گئے، پاناما کیس کا فیصلہ شریف خاندان کے حق میں آئے یا خلاف، نوازشریف کی حمایت میں بینر آویزاں کر دیئے گئے ہیں، ان بینرز پر وزیراعظم کے ساتھ خواجہ سعد رفیق، ایم پی اے یاسین سوہل اور ایم پی اے میاں نصیرکی تصاویر بھی لگائی گئی ہیں۔
لاہور میں خواجہ سعدرفیق کے حلقے میں ہر کھمبہ سرخ رنگ کے بینرز سے سجا دیا گیا ، بینرزپر ’ قائد تیرا ایک اشارہ، حاضر حاضر لہو ہمارا‘ درج ہے جبکہ سبز رنگ کے بینر میں ’قدم بڑھاؤ نوازشریف ہم تمہارے ساتھ ہیں ‘ کا نعرہ درج ہے ۔
خواجہ سعدرفیق کےحلقےمیں لگنے والے اشتعال انگیز بینرز نے جہاں حلقے کی سیاسی فضا میں تناؤ پیدا کر دیا ہے، وہیں اس بات کا تا ثر بھی ابھر رہا ہے کہ کہیں پانامہ کا فیصلہ آنے پر کارکن آپے سے باہر نہ ہو جائیں۔
مزید پڑھیں : پاناما کیس کا فیصلہ کل سنایا جائے گا
واضح رہے کہ پاناما کیس کا فیصلہ ستاون روز بعد کل 20 اپریل کو دوپہر دو بجے سنایا جائے گا، کیس کا فیصلہ بھی کل کورٹ روم نمبر ون سے جاری کیا جائےگا، ملکی تاریخ کے تمام بڑے فیصلے اسی تاریخی کمے مین سنائے گئے ہیں۔
ترجمان سپریم کورٹ نے کہا ہے کہ انتظامیہ کو سیکیورٹی کے خصوصی انتظامات کی ہدایت کردی ہے، فیصلہ سننے کے خواہشمندوں کو پاسز جاری کیے جائیں۔
خیال رہے کہ پاناما کیس کا فیصلہ سننے کے لیے جہاں حکومت اور فریق سیاسی جماعتیں بے چینی سے منتظر ہیں وہیں عوام بھی اس فیصلے کو جاننے کے لیے بے چینی سے انتظار کررہی ہے۔
پانامہ لیکس کا فیصلہ تئیس فروری کو محفوظ کیا گیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
