site
stats
پاکستان

عمران خان نے پاجامہ لیکس کا ڈرامہ رچایا، رانا ثناء اللہ

فیصل آباد : پنجاب کے وزیر قانون رانا ثناء اللہ کا کہنا ہے وزیراعظم یا وزیراعلیٰ کی طرف سے کسی بھی منصوبے کا افتتاح کرنے کے بعد اس میں ٹوٹ پھوٹ سامنے آتی ہے جس سے برا تاثر پڑ رہا ہے ۔

فیصل آباد میں جھال خانوآنہ فلائی اوور کا غیر رسمی افتتاح کرنے کے موقع پر میڈیا سے گفتگو کرتے ہوئے رانا ثناء اللہ کا کہنا تھا وزیراعلیٰ شہباز شریف عید کے بعد اس منصوبے کا باقاعدہ افتتاح کریں گے، ٹوٹ پھوٹ کے باعث برا تاثر پڑنے سے بچانے کے لئے غیر رسمی افتتاح کیا ہے ۔

متحدہ قائد کے سیاسی کردار کے خاتمے کے سوال پر رانا ثناء اللہ کا کہنا تھا کسی سیاسی لیڈر یا جماعت کا کردار زبردستی ختم نہیں کیا جا سکتا ۔

انہوں نے کہا کہ عمران خان کے رچائے ہوئے پاجامہ لیکس کے ڈرامے کا کوئی قانونی پہلو نہیں ہے، عمران خان کی آف شور کمپنی کے بعد اب اس کا اخلاقی اور سایسی وجود بھی ختم ہو گیا ہے ۔

خواتین پر تشدد بل کے حوالے سے رانا ثناء اللہ کا کہنا تھا کیا مولانا شیرانی خود دیکھیں گے کہ کسی خاتون پر ہلکا یا بھاری تشدد ہوا ہے، انہوں نے کہا کہ اس بار پورے ملک میں ایک ساتھ رمضان المبارک کے آغاز میں کامیاب ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top