جمعرات, فروری 13, 2025
اشتہار

پاناما لیکس پرکمیشن چیف جسٹس کی واپسی پر بنےگا، جسٹس ثاقب نثار

اشتہار

حیرت انگیز

اسلام آباد : قائم مقام چیف جسٹس ثاقب نثار نے کہا ہے کہ پاناما لیکس پر کمیشن چیف جسٹس کے واپس آنےپرہی بنےگا۔ تفصیلات کے مطابق پناما لیکس پر کمیشن بنانے کا معاملہ موخر ہوگیا۔

چیف جسٹس آف پاکستان جسٹس انور ظہیر جمالی سات روزہ دورے پر ترکی روانہ ہوگئے۔ چیف جسٹس اپنے دورہ ترکی میں کئی تقریبات میں شرکت کریں گے، ان کی جگہ جسٹس ثا قب نثارقائم مقام چیف جسٹس کے فرائض انجام دیں گے۔

حلف برداری کی تقریب میں اےآروائی نیوز سے بات چیت کرتے ہوئے قائم مقام چیف جسٹس ثاقب نثار نے کہا کہ پاناما لیکس پرکمیشن چیف جسٹس کے واپس آنے پر ہی بنے گا۔

اس موقع پرجسٹس دوست محمد نےکہا کہ پاناما لیکس کی تحقیقات بیس کروڑعوام کا حق ہے، پاناما لیکس پرحکومت اوراپوزیشن کا رویہ متوازن نہیں۔

جسٹس دوست محمد نے مزید کہا کہ اپوزیشن پوائنٹ اسکورنگ کررہی ہے۔ حکومت نے ٹرمز آف ریفرنس میں تحقیقات کادائرہ وسیع کردیا ہے۔بدقسمتی سےجمہوریت میں تسلسل نہ ہو نےکےباعث نظام مضبوط نہیں ہو سکا۔

ان کا کہنا تھا کہ بھارت میں بھی کرپشن ہے لیکن جمہوریت کے تسلسل کی وجہ سے اب وہ ایشین ٹا ئیگر بن رہا ہے۔

یاد رہے کہ حکومت پاکستان نے پانامہ لیکس کی تحقیقات کے حوالے سے کمیشن کے قیام کیلئے سپریم کورٹ کو خط لکھ دیا ہے، اب دیکھنا یہ ہے کہ کمیشن کا قیام کتنے عرصے میں ہوتا ہے۔

 

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں