اسلام آباد : پانامالیکس کی تحقیقات ملک کی تقدیر بدل سکتی ہے۔ انکوائری کمیشن کو مسترد کرتے ہیں۔
تفصیلات کے مطابق عمران خان نے وطن واپسی پرحکومت کوانتباہ کرتے ہوئےکہا ہے کہ چیف جسٹس کی سربراہی میں کمیشن نہ بنا توآخری حد تک جائیں گے ۔
کپتا ن نےانکوائری کمیشن مستردکردیا۔ بنی گالہ میں میڈیا سے بات کرتے ہوئے عمران خان نے دوٹوک الفاظ میں کہہ دیا کہ انکوائری کمیشن کسی صورت قبول نہیں ہے۔
انہوں نے کہا کہ پانامالیکس کی تحقیقات کیلئے صرف چیف جسٹس کی سربراہی میں ہی کمیشن قائم کیاجائے۔ انہوں نےکہا کہ ایسےکمیشن کونہیں مانتےجس کامقصد ٹیکس چوری چھپاناہو۔
عمران خان نےپانامالیکس کوادارےٹھیک کرنےکاموقع قراردیا، ان کا کہنا تھا کہ تحقیقات سےملک کی تقدیربدل سکتی ہے، کپتان نےحکومت کوکڑی تنقیدکانشانہ بناتےہوئےکہاکہ کمیشن وزیراعظم کی بیٹی تشکیل دےرہی ہیں جوخود کو بری کرنےکیلئےبنایا جارہاہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں