The news is by your side.

Advertisement

پاناما لیکس: سپریم کورٹ میں درخواستیں سماعت کیلئے منظور، بینچ تشکیل

اسلام آباد : سپریم کورٹ نے پاناما لیکس کی تحقیقات کے لیے دائر چار درخواستوں کی سماعت کے لیے تین رکنی بینچ تشکیل دے دیا،بینچ آئندہ ہفتے درخواستوں پر سماعت کا آغازکرے گا۔

تفصیلات کے مطابق پاناما لیکس کے معاملے پر قانونی جنگ کا آغاز ہو گیا ہے، سپریم کورٹ نے پاناما لیکس کے معاملے پر تحریک انصاف اور جماعت اسلامی سمیت تمام درخواست گزاروں کی درخواستیں سماعت کے لیے منظور کر لی ہیں۔

سپریم کورٹ کے چیف جسٹس جسٹس انور ظہیر جما لی نے درخواستوں کی سماعت کے لیے تین رکنی بینچ تشکیل دے دیا۔ مذکورہ بینچ چیف جسٹس انور ظہیر جمالی، جسٹس خلجی عارف حسین اور جسٹس اعجاز الحسن پرمشتمل ہے۔

بینچ آئندہ ہفتے پاناما لیکس سے متعلق درخواستوں پر سماعت کا آغازکرے گا، سماعت کے لیے 20 اکتوبر کی تاریخ مقرر کی گئی ہے۔

مزید پڑھیں: الیکشن کمیشن،پانامہ لیکس کی سماعت 2 نومبر تک ملتوی

 درخواست گزاروں کی جانب سے استدعا کی گئی ہے کہ وزیر اعظم کو نااہل قرار دے کر بیرون ملک بھجوائی گئی رقم واپس لائی جائے، اور یہ کہ عدالت وزیر اعظم کا نام ای سی ایل میں شامل کرنے کا بھی حکم دے۔

مزید پڑھیں : سپریم کورٹ پانامہ لیکس پردرخواستوں کی سماعت کرے گی

 علاوہ ازیں پاکستان تحریک انصاف نے سپریم کو رٹ میں اس معاملے پر جلد سماعت کی استدعا کی تھی جسے عدالت نے منظور کر لیا۔

Comments

comments

یہ بھی پڑھیں