The news is by your side.

Advertisement

عید کے موقع پر بھی کراچی کے شہری پانی سے محروم

کراچی : شہر قائد میں عوام عید الفطرکے موقع پر بھی پانی کی بوند بوند کو ترس گئے۔ شہری ٹینکرمافیا سے مہنگے داموں پانی خریدنے پر مجبور ہیں۔

تفصیلات کے مطابق عید پر کراچی میں پانی کا بحران بھی سر اٹھارہا ہے شہر میں پانی کا ٹینکر چھ سے آٹھ ہزار روپے میں فروخت ہورہا ہے۔ کراچی کے شہریوں نے ماہ رمضان پانی کی تلاش میں گزارا۔

عید پر ان کو آس تھی کہ شاید یہ بحران ٹل جائے گا لیکن ایسا کچھ نہ ہوا۔ واٹر بورڈ نے عید پر پانی کی فراہمی کے خاطر خواہ انتظامات نہ کئے جس سے ٹینکر مافیا کی چاندی ہوگئی ہے۔

شہر قائد کے کئی علاقوں میں پانی کا ٹینکر تین سے چار ہزار اور کچھ میں تو چھ سے آٹھ ہزار روپے میں مل رہا ہے جس نے شہریوں کی عید کا مزہ کرکرا کردیا۔

بلدیہ ٹاؤن ،محمود آباد ،گلستان جوہر ،لیاقت آباد ،نیوکراچی حسرت موہانی سوسائٹی اور دیگر علاقوں کے مکین پانی کی تلاش میں سرگرداں ہیں۔

ٹینکر مافیا نے پیاسے شہریوں کا خون چوسنے کیلئے فی ٹینکرکی قیمت میں من مانا اضافہ کردیا۔ پانی کی قلت کےشکار علاقوں میں ایسے لوگ بستے ہیں جو تین سے آٹھ ہزار روپے میں واٹر ٹینکر نہیں خرید سکتے۔

شدید گرمی کے موسم میں شہرمیں پانی کی طلب میں نمایاں اضافہ ہوا ہے۔ سوال یہ ہے کہ حکومت سندھ قلت آب سے نمٹنے کیلئےعملی اقدام کب اٹھائے گی ؟

 

Print Friendly, PDF & Email

Comments

comments

یہ بھی پڑھیں