The news is by your side.

پیرا میڈیکل اسٹاف کیلئے اچھی خبر، جرمنی میں روزگار کے دروازے کُھل گئے

کراچی : پیرا میڈیکل اسٹاف کیلئے بیرون ملک روزگار کیلئے امید افزا خبر سامنے آئی ہے، جرمنی میں روزگار کے مواقع فراہم کیے جائیں گے۔

اس حوالے سے جرمنی سے آئے ہوئے تاجروں کی تنظیم بی سی جی کے وفد نے ایف پی سی سی آئی اور محکمہ صحت کے افسران سے خصوصی ملاقات کی۔

اس موقع پر گفتگو کرتے ہوئے جرمن تاجروں کی تنظیم بی سی جی کے سربراہ سید محسن رضا کہا کہ پہلے مرحلے میں 500سے زائد نرسنگ اسٹاف کو روزگار کے مواقع فراہم کئے جائیں گے۔

سید محسن رضا کا کہنا تھا کہ پاکستان میں سیاحت کے فروغ اور طب کے شعبوں کی ترقی کیلئے جرمن تاجر اپنا کردار ادا کریں گے۔

نرسنگ اور پیرا میڈیکل اسٹاف کوجرمن لینگویج اور تربیت کے ساتھ انہیں جرمنی کے اسپتالوں میں روزگار کے مواقع بھی فراہم کئے جائیں گے۔

ایف پی سی سی آئی کے وفد سے ملاقات میں گفتگو کے دوران وفد کا کہنا تھا کہ جرمن تاجر پاکستان میں سیاحت کے فروغ اور دیگر شعبوں میں سرمایہ کاری میں دلچسپی رکھتے ہیں۔

Comments

یہ بھی پڑھیں